睇Wikipedia:是日正文/2024年11月嘅程式碼

<div style="float:left;margin-right:0.9em">
[[File:"Casi extraños".jpg|200px|left|一張舊相。]]
</div>
'''[[記憶]]'''係指一個[[認知系統]]將啲[[資訊]][[記憶入碼|入碼]]、[[記憶儲藏|儲起]]同喺有需要嗰陣[[記憶提取|提取]]出嚟用嘅能力。記憶對於各種[[動物]]嘅生存體驗嚟講至關重要－記憶令一隻動物喺一個時間點接收到嘅資訊能夠影響佢[[將來]]嘅[[行為]]，而喺[[人]]當中，記憶仲係[[人際關係]]（要記住同自己有關係嘅人嘅相關資訊）、[[語言學習]]（要記住各種[[符號]]點用）同[[人格同一性]]（要記住自己嘅人生經歷）等重要[[心理]]過程嘅根基。

喺[[認知科學]]領域嘅[[科研]]上，研究者會將個[[腦]]當做一個處理資訊嘅[[系統]]，會儲起應該要儲嘅資訊。一件記憶可以按多種屬性分類－記憶可以按「有冇得用口頭講返出嚟」分做[[外顯記憶|有意識]]同[[內隱記憶|冇意識]]兩種；又有得按「會維持幾耐」分做[[短期記憶|短期]]同[[長期記憶|長期]]兩種。呢啲種種記憶嘅開端係[[感官]]－[[眼]][[耳]][[口]][[鼻]]會[[感知|由外界接收資訊]]，感官嘅[[神經細胞]]會以[[電]]同[[化學物質|化學]][[神經訊號|訊號]]嘅型式將收到嘅資訊傳去個腦度，[[工作記憶]]呢個短期記憶系統會暫時儲住個腦用緊嗰啲資訊，呢啲資訊當中有一部份嘅可能會俾個腦判定做「需要儲起做長期記憶」，日後對隻動物嘅行為產生更加深遠嘅影響。

記憶功能有可能失靈。[[生物]]嘅記憶系統受持續咗過億年嘅[[進化]]過程塑造，但並唔完美－認知科學研究表明，記憶可以受好多因素干擾而出錯：例如一隻動物[[注意力]]唔夠可能會搞到由外界[[刺激 (心理學)|刺激]]嗰度成功入到碼嘅資訊少咗；腦部有[[病變]]或者受到物理上嘅損害可能會搞到儲喺入面嘅記憶[[失憶|喪失]]；長期記憶又會無可避免噉[[記憶衰變|隨住時間慢慢衰變]]，可能會搞到第日要提取嗰陣有問題。認知科學對呢啲記憶失靈嘅研究對[[精神醫學]]等嘅工作有一定嘅幫助。 ('''[[記憶|成篇文章……]]''')

以前嘅正文： [[注意力]] &ndash; [[蝴蝶]] &ndash; [[故仔]]
<div style="font-size:80%">{{是日正文底|Year=2024|Month=11}}</div>