Wikipedia:收錄指引

出自維基百科,自由嘅百科全書
(由Wikipedia:Notability跳轉過來)
Jump to navigation Jump to search
Walnut.png 一句講嗮: 如果得到可靠獨立第二方來源嘅足夠覆蓋,噉一個話題就算係notable。

喺維基百科,決定一個話題值唔值得獨立成文嘅原則叫做notability(英文)或者關注度(中文)。呢個原則係咁寫嘅:

如果有足夠嘅獨立可靠第二方來源記載個話題,咁呢個話題就可以收錄。

亦即係話,如果一個話題符合以下兩個原則:

  1. 有可靠、獨立、足夠嘅資訊來源;同埋
  2. 維基百科唔係政策冇將佢排除在外;

噉一個話題就可以獨立成篇。

實際執行方面,考慮到粵文維基百科喺咁多唔同語文嘅維基百科版本之間唔算大,所以執行收錄指引大致睇以下幾點:

  • 篇文有引用獨立、可靠嘅來源,就可以收錄。
  • 篇文有連去其他維基百科語言版本上面,講相同話題嘅文,而呢個話題喺嗰個版本已經過咗 notability 測試,尤其係英文或者中文版,亦可以收錄。
  • 同粵語、粵地文化(兩廣、港澳、南洋粵人、海外粵人)關係特別密切嘅話題,有時會酌情從寛處理。
  • 如果題材係事件或者人,篇文引用嘅來源唔一定要跨越好長時間;夠可靠支持文章內容就得。呢方面粵文維基百科喺執行細節上同英文版唔同。
  • 至於其他細節,如果粵文維基百科無本地共識,一般參考英文或者中文維基百科。

要留意嘅係,notability並唔係名氣、重要性、或者廣泛性,雖則出名、重要嘅話題好大機會過到 notability。Notability 講嘅係維基百科嘅資料一定要查證得到;如果無可靠嘅獨立來源,就唔應該畀佢獨立成文。維基百科對notability嘅概念,就係利用呢一個基本水平,去避免乜都收一餐嘅情況。文章或者一覽表一定要係 notable,或者係「值得留意」。

呢啲指引只係畫出一個話題獨立成篇嘅恰當性,但並唔局限文章或者一覽表入面嘅內容。要知維基百科有關內容嘅政策,中立觀點查證得到歸屬維基百科唔係,同埋生人傳記。而即使一個話題夠 notable,編輯者亦可以自己決定將相關嘅話題合成一篇文。

參考[編輯]