九華徑
九華徑，香港一村，亦係一地，喺荔枝角西北山谷之中，英文叫Kau Wa Keng。青山公路喺佢山上西面同北面，荔景山路喺佢南面。瑪嘉烈醫院喺佢西南山上。
九華徑原本好近海邊，即荔枝角灣，有兩條坑，一東一西，直流入海。本村，即係九華徑村，喺東便條坑，村西全係田。後尾條西坑，開咗九華徑新村，咁原村亦叫九華徑舊村。海邊灘地，後尾荔枝角灣填海，填下填下就填晒，今下離海好遠，去到葵涌貨櫃碼頭。鄉事而言，歸葵涌鄉事委員會。
九華徑除咗本村，東便沿坑上山，過青山公路，原本有啲零散嘅田，都開咗做村，近石梨頭。有九華徑泵房上村，以及長坑村。青山公路有長坑路入。咁已經好近水塘。
名
[編輯]九華徑本名狗爬徑，後尾改得文雅，先叫九華徑。