夜郎

夜郎係中國漢朝時所謂「西南夷」入便最大嘅國。夜郎嘅中心位置到而家都未有定論，學術界嘅分歧亦好大，有學者認為係喺而家貴州六盤水畢節一帶。關於夜郎國嘅記載主要喺《史記·西南夷列傳》見到，而根據考古嘅資料，一般認為夜郎喺中國嘅戰國時代已經喺度。

《漢書》記載，夜郎王興喺漢成帝河平二年（前27年）舉兵反漢，漢朝派兵誅滅，夜郎國亡，改設郡縣。

可樂係夜郎鼎盛時期嘅政治中心，可樂遺址喺而家貴州省赫章縣，係中國「全國重點文物保護單位」。

相關嘅成語

成語「夜郎自大」係形容一個人見識淺薄、妄自尊大，同「井底之蛙」、「坐井觀天」嘅意思相近。