大環

  想搵第二個意思嘅話，請睇大環 (搞清楚)。

大環

大環（原本係大灣，因為變調所以變咗個名）係香港九龍南面一笪地方，喺紅磡東北，舊時係個海灣，但隨住紅磡灣填海而消失，所以呢個地名已經逐漸被人遺忘，好多人都只會用紅磡直接叫呢區。

大環舊時有座山仔叫大環山，不過已經夷平咗，即係而家嘅和黃公園，而鄰近嘅大環山公園同大環山游泳池亦留住「大環山」個名。