影相舖

影相舖，又叫影樓、影棚，舖一種，影相佬喺舖入面同人影相，係室內攝影。舖通常分為兩部份，一部搭布景，幫人影相用。另一部係菲林曬相黑房。現代數碼攝影唔用菲林，就唔係使黑房，甚至唔使有布景，用單色布，背景用電腦加上去都得。

舊時啲人去影相舖，皆因唔係人人有相機，影相亦係專業，器材亦不菲。後尾多人有相機，都有專為證件影相，因為證件相、學生相有特定要求。現今人人日日都可以影相，揸部電話影生活相隨處有，電腦打印機都好方便，就無必要去影相舖。影相舖就轉為特定場合做事，如婚紗相或者廣告相。依類有時止影相佬，而係有成隊人，有人化粧，有人着衫，有人打燈咁。

英文舊時叫photographer's，依家叫photographer's studio。日文稱為寫真館，簡字写真館。