新選組

新選組服裝

新選組（又叫新撰組，日語「選」同「撰」係同音）係日本幕末時期一個親江戶幕府嘅武裝集團，1863年成立，主要響京都東山區活動，全盛嗰陣有超過200人，戊辰戰爭幫幕府嗰邊，最後打輸咗，1869年解散。

新選組第一任局長係芹澤鴨，佢後尾畀自己人殺咗。新選組喺1864年嘅池田屋事件後更加出名。1868年戊辰戰爭爆發，幕府軍唔夠打，新選組局長近藤勇畀新政府軍捉到然後斬首，土方歲三同一部分隊員撤退到北海道。1869年，土方喺北海道戰死，剩低嘅新選組隊員冇耐就向新政府軍投降。