熱聲偈

一幅熱聲偈嘅工作原理圖。熱嘅嗰邊駁去熱源。

熱聲偈（有時亦叫做「TA偈」）係一種採用熱聲原理、用高振幅音波嚟泵熱或者反過來用溫度差產生音波嚟嘅偈。泵熱即係用能量將熱從一處泵去第處（好似冷氣機咁，不過喺熱聲偈度係用播筒），反過來產生嘅音波亦可以駁落咪高峰度發電。

呢隻偈經過設計可以用駐波或者前進波。相對於蒸氣壓縮，熱聲製冷既唔使用製冷劑亦冇用到幾多識郁嘅件，即係可以慳番封密處理同埋潤滑。