竹園
竹園係香港新九龍一個地方，原本係條村來嘅。竹園大約係指今日黃大仙嘅範圍。家陣亦都指兩條竹園公共屋邨，即係竹園北邨同竹園南邨。
歷史
[編輯]竹園村原本係響今日黃大仙消防局附近，響正沙田拗道側邊。響英國1898年得到新界無耐，就起咗條沙田坳道，連住啟德、蒲崗、竹園同沙田坳。
竹園故名思意就係有一大片竹林圍住條村。而條村西邊有條河，條河由北面山脈沖到竹園，過蒲崗流入九龍灣。
1921年嗰陣，有位道士響條村西面起咗座廟，叫黃大仙觀，同時間又開個嗇色園管間廟。
第二次世界大戰之後，響中國內戰左近，有好大批難民擁入香港，通山起木屋鐵皮屋。香港政府就劃咗廟後面山區做竹園徒置區，即係今日竹園北邨、竹園南邨同黃大仙上邨一帶。
1956年，政府決定拆木屋區同竹園，村民就搬上新樓，即係今日黃大仙上邨同黃大仙下邨。其中有一棟特別好設施就係畀竹園村原居民。原本黃大仙觀都係拆屋之列，不過響東華三院遊說下就保留返。
兩條黃大仙邨1960年代就整好。而黃大仙呢個名慢慢就用得多過竹園，雖則，間廟地址都係竹園村二號。
之後，北面淨低落來嘅徒置區，就變成竹園北邨同南邨。而夾響兩條邨中間竹園巴士總站，起響竹園道，有好多條巴士綫通去香港唔同地方。家陣，竹園一般都係講呢條公共屋邨連埋巴士總站左近。
建築物
[編輯]竹園兒童園起響鳳凰新村，係一間畀啲阿爸阿媽照顧唔到嘅細蚊仔住。