想搵原名《網絡騙案》嘅無綫電視劇集嘅話，請睇迷網。網絡騙案，又叫網上騙案、網絡詐騙，係喺互聯網上呃人財產或者個人資料嘅犯罪。
網絡騙案有好多種，常見嘅包括下面幾種：
- 虛假網站騙案：騙徒發送扮成某個出名機構嘅電郵，呃人去個虛假嘅網站，再問佢攞個人資料（譬如信用卡號碼、網上銀行密碼），又或者附帶惡意程式呃人去開。
- 網上購物騙案：騙徒扮成某個出名機構去賣貨，通常話自己做大優惠，但實際係貨不對辦，甚至連貨都唔送。
- 網上抽獎騙案：騙徒發送電郵話抽到大獎，如果對方信以為真，就話要收佢手續費。
- 網上情緣騙案：騙徒喺網上識人，博取對方信任，再用藉口去呃對方畀錢佢。
