陶器

製作中嘅陶器

陶器係用黏土或者陶土捏成同燒製成嘅裝嘢架生，早到新石器時代就已經有，當時係日用品，而家就有部份變咗做工藝品收藏。

基本

内文：陶藝

陶器可以分成兩大類：一類係實用品（functional），好似碗碟、樽、盆等等，另一類就唔係整嚟用、齋做裝飾或者完全係藝術品嘅創作（non-functional）。實用品通常會好似工業設計咁，要顧及到譬如易用性呢啲咁嘅問題，但係如果整嘅係傳統陶器，好多呢啲問題已經一早解決咗，留存咗喺傳統嘅技巧同器具形式入面。

工序通睇:

• 做形
• 上釉
• 風乾
• 燒成

工業度有半自動化嘅陶藝步驟替代人手，譬如拉坯可以由部自動機嚟拉。工業應用嘅工序譬如風乾方法同燒製嘅先後次序呢啲，好多時同人工做嘅都有唔同。經呢種工業方法出嘅成品，除咗碗碟呢啲嘅一般器皿，仲可以工業生產埋洗手盆、廁盆、瓷磚呢啲。