陽明大學－交通大學合併
陽明大學－交通大學合併，係指喺台灣以醫學為主要專長嘅國立陽明大學同埋以理工為主要專長嘅國立交通大學，合併成為「國立陽明交通大學」（簡稱陽明交大或陽交大）。兩間大學喺2001年簽署咗兩校合併意願書，但之後都只係維持兩校合作關係，去到2018兩校再度重啟合併議題，終於喺2021年2月正式完成合併程序，並將校名易名為「國立陽明交通大學」[1]，並由林奇宏擔任新校第一任校長[2]。
前身相關組織
[編輯]兩間大學喺合併前就已經同國立中央大學共組「臺灣聯合大學系統」，另外亦同清華大學等校組成「大學系統」策略聯盟[1]。
合併過程嘅相關事件同討論
[編輯]關於校名嘅唔同意見
[編輯]由於兩間大學本來喺全球都有唔錯嘅排名，新校嘅名字『陽明』同『交通』邊個行先多人發一啲討論。最後，前交大校長張懋中提出校名容許讓陽明排喺交通前面，成為獲得陽明合校同意嘅關鍵。不過，有啲原交通大學嘅校友就覺得交大喺學生數、排名上、資源量上都贏過陽明，對於最終嘅校名，心理上唔係咁舒服[3]。
上課安排
[編輯]由於國立陽明大學同國立交通大學本來嘅校區分別位於台北市同新竹市，合併後學生點樣上堂亦成為一啲人嘅關注[2][4]。
大學管理層任命，資源分配
[編輯]由於兩校合併後能有一組行政團隊，邊一方嘅人擔任管理層，管理層喺邊度返工，資源分配，都成為一啲人關注嘅話題[4]。
對合併有保留嘅意見
[編輯]- 公共衛生學者莊人祥話，陽明學生人數4000人，唔及交大嘅1/3，合校以後可唔可以維持兩校平等嘅承諾，係反對合校嘅陽明校友最大疑慮[2]。
- 陽明大學學生會喺2019年9月進行校內民調，結果顯示，同意該案比率占42%，反對比率則占58%，有效樣本數為618份[5]。
正式合併
[編輯]2020年6月，教育部正式批准兩間大學喺2021年2月1號合併，所需嘅4億費用由教育部逐年核列[6]。
各界對合併嘅評論反應
[編輯]- 前副總統陳建仁喺合併典禮上面話，合併後嘅陽交大將擁有極佳的嘅起點，可能成為台灣第二個進入全球百大嘅學校，僅次於國立臺灣大學[3]。
- 新校第一任校長林奇宏話，合併初期會有陣痛，但長期一定係好嘅發展[2]。
後續
[編輯]部分合併後公眾關注嘅話題包括學生證設計[7]，同埋校務管理上嘅分歧[8]等。學生層面方面，兩校合併前學生都有一啲針鋒相對嘅言論，而陽明學生製作嘅「新生手冊」，因為封面上嘅兩校名稱字級大小差好多，引起話題，讓網友質疑佢哋矮化交大，最終陽明學生會發出道歉聲明[9]。
參考來源
[編輯]- ↑ 1.0 1.1 國立陽明交通大學 (2023-10-05)。〈國立陽明交通大學〉。《國立陽明交通大學》。喺2024-11-24搵到。
- ↑ 2.0 2.1 2.2 2.3 〈整併後橫跨9校區，陽明交大會是什麼樣的大學？校長林奇宏專訪〉。
{{cite web}}: CS1 maint: url-status (link) - ↑ 3.0 3.1 〈「陽明交通大學」正式揭牌！「陽明交大」將躍升高教NO.2、打造下階段「護國神山」？ | 遠見雜誌〉。《遠見雜誌 - 前進的動力》 (中文)。2021-02-01。喺2024-11-24搵到。
- ↑ 4.0 4.1 李佳穎 (2020-10-07)。〈陽明交大合併倒數 四大問題還沒喬好 - 今周刊〉。www.businesstoday.com.tw (中文)。喺2024-11-24搵到。
- ↑ 〈陽明交大合校案今表決成關鍵！有過半陽明學生反對合校 | 遠見雜誌〉。《遠見雜誌 - 前進的動力》 (中文)。2019-09-18。喺2024-11-24搵到。
- ↑ 〈教育部點頭了！「國立陽明交通大學」預計明年2月1日掛牌 | 遠見雜誌〉。《遠見雜誌 - 前進的動力》 (中文)。2020-06-24。喺2024-11-24搵到。
- ↑ 陳煜濬 (2024-05-11)。〈陽明交大併校後公布「新版學生證」 全場哀鴻遍野：幸好畢業了 | 生活 | CTWANT〉。www.ctwant.com (中文)。喺2024-11-24搵到。
- ↑ 〈合校僅1年多…陽明交大「意見紛歧」埋導火線 部分教授盼「和平分手」〉。Yahoo News (中文)。2022-05-30。喺2024-11-24搵到。
- ↑ 〈剛併校就內鬥？陽明交通大學手冊「戰大小」 網諷：一校各表〉。Yahoo News (中文)。2021-09-14。喺2024-11-24搵到。