魚角

魚角（Yue Kok或Yu Kok），又寫漁角，係香港一地，舊時海角，亦係一村。地喺大埔，喺大埔舊墟東北，鳳園以南，大埔新市鎮東北邊，大埔工業村以西。村近汀角路，雅麗氏何妙齡那打素醫院東面山腳。

未建大埔新市鎮同大埔工業村以前，魚角原本喺海邊，後尾填海成內陸。今日汀角路近魚角轉嘅轉角位，就係舊日海角嘅寫照。

村

今日漁角，村內屋宇，起成三排。最前排中間，有祠堂，叫張氏宗祠。村南有樓樂賢居，之間有魚角公廁。

附近屋宇

魚角以南，隔汀角路，係富善邨，邨中以救恩書院，最近魚角。魚角沿汀角路西行，到富亨邨。邨中以大埔循道衞理小學，最近魚角。魚角後山，有雅麗氏何妙齡那打素醫院，有山路可通，但亦可以由富亨邨入。魚角東面，係大埔工業村。有大笪空地，等工業同民居分隔。空地近汀角路，亦有啲寮仔。魚角沿汀角路北行，就到鳳園涌。涌邊一邊有路上狗屎圍，又一邊有田心污水泵房，再過啲有鳳園路入鳳園。

交通

今日九龍巴士，仍有漁角一站。

汀角路轉角位，亦係路口，同大福街及完善路相通。

大埔去大尾𡰪嘅單車徑，亦途經魚角。