三河市

三河市（法文：Trois-Rivières，魁北克法文發音：[tʁwɔʁivjaɛ̯ʁ] ）係加拿大魁北克省一個城市，位於溫莎-魁北克走廊，聖勞倫斯河同聖莫里斯河交匯處。城市位於聖勞倫斯河北岸，處於魁北克市同滿地可嘅中間。因為聖莫里斯河匯入聖勞倫斯河嘅地方分流形成三個河口而得名。

三河市始建於1634年，係新法蘭西僅次於魁北克市嘅第二個永久居住點。人口約13萬。

三河市嘅主要工業係造紙業，另外重有電子、食品加工同金屬鍛造等行業。靠近三河機場嘅工業園區都有航空工業。

魁北克大學喺三河有一間分校──魁北克大學三河分校（UQTR）。