世界童軍組織

出自維基百科,自由嘅百科全書
跳去: 定向搵嘢
童軍會
童軍運動
會明細
World Organization of the Scout Movement
中文名 世界童軍組織
總部 瑞士日內瓦
全世界
開響 1920
創辦人 貝登堡
會員 2800萬
阿頭: Eduardo Missoni (Secretary General),
許宗盛 (chairman WSC)
Scouting portal

世界童軍組織係一個跨國組織,負責管理各國童軍運動,有成280萬人,同世界女童軍協會(WAGGGS)相對。


世界童軍會議[編輯]

世界童軍會議係負責管理,每三年辦一次。會議之前有世界童軍青年論壇。會議係童軍嘅集會,係每個成員總會派六個人組成。如果一國多於一成員總會,呢啲總會就要組成一個聯會先派代表。某地總會要成為會議成員,就要跟住組織嘅宗旨同原則,同埋響國內政治要獨立。

會議會有大家同意合作方向,同埋互相協調計劃。上次開會係2005年,響突尼西亞咸馬滅(Hammamet)。下一次開會就響2008年南韓。

世界童軍委員會[編輯]

世界童軍委員會係負責執行,會部都選出來嘅義工。委員會係兩次大會之間,代表世界童軍會議。委員會成員每六年選一次,唔會理係乜嘢國藉。

銅狼獎[編輯]

銅狼獎只係頒畀對組織特別有貢獻嘅人,係委員會頒畀嗰啲對世界童軍運動做服務,做得好有成就嘅。第一次就係頒畀童軍運動創辦人貝登堡,係1935年,嗰陣時係國際委員會響斯德哥爾摩嘅決定。

世界童軍組織分區地圖,灰色地方例如古巴係無童軍運動

世界童軍總部[編輯]

世界童軍總部(舊時叫國際總部)係會議同委員會嘅祕書處,負責執行兩者嘅指示。佢係總祕書負責管理,同埋有一小班技術職員支援。職員幫各總會推行童軍運動,主要係改善同擴闊童軍組織,方法包括訓練專業人員同義工,確立財務政策同籌措資金技巧,改善社羣設施同方法,協助整理國內資源。

職員亦都安排全球活動,好似世界童軍大露營,鼓勵地區活動,聯絡其他國際組織。

總部設喺瑞士日內瓦,旗下六個地區都有支部:

      歐洲區瑞士日內瓦比利時布魯塞爾同埋塞爾維亞貝爾格萊德
      阿剌伯區埃及開羅
      非洲區肯雅奈羅比南非開普敦同埋塞內加爾達卡
      亞太區菲律賓馬卡地市澳洲同埋日本東京
      美洲區智利聖地牙哥
      歐亞區烏克蘭古舒夫同埋俄羅斯莫斯科

組織同響瑞士康德斯堡(Kandersteg)嘅康德斯堡國際童軍中心有聯繫。呢個中心係獨立非牟利嘅。組織大約四年搞一次世界童軍大露營,亦都會請埋世界女童軍協會嘅成員。組織亦都搞世界樂行童軍大露營(World Scout Moot)畀17到26歲嘅童軍,同埋世界童軍領袖大露營(World Scout Indaba)畀童軍領袖。世界童軍基金會係有一筆長年基金,由另一班人管理,係世界各地嘅人捐出來畀世界各地發展童軍動用嘅。

世界童軍組織係非政府組織,響聯合國度代表童軍運動。佢同世界女童軍協會都響聯合國經濟及社會理事會裏面有顧問地位[1]

徽章[編輯]

世界童軍組織會員章係個紫色圓型徽章,中間有光明之花(fleur-de-lis),花畀條繩包住,繩底紮咗個平結。光明之花係古代符號,原本係貝登堡將童軍同英軍列隊嗰時用,之後就修改下畀童軍用。花上箭頭係就好似現代指南針咁,個尖永遠指向北,係指向服務同團結嘅路。花上三尖就係童軍三方面責任,對神明,對自己同對他人。兩粒五角星係代表真理同知識。兩星十個尖係代表貝登堡提出原本十點嘅童軍規律。花底紮住係表示童軍家庭。而外圈繩就係團結,同埋世界童軍運動嘅大家庭。

參考[編輯]

  1. WAGGGS and the UN
  • Facts on World Scouting, Boy Scouts International Bureau, Ottawa, Canada, 1961
  • Laszlo Nagy, 250 Million Scouts, The World Scout Foundation and Dartnell Publishers, 1985

出面網頁[編輯]