佛教大雄中學

出自維基百科,自由嘅百科全書
跳去: 定向搵嘢
佛教大雄中學
校訓 明智顯悲
創校年份 1969年
榮譽校監 覺光法師
校監 衍空法師居士
校長 何婉瑩女士
學生人數 約 1,200 人
老師人數 約 80 人
社別 明(紅)、智(綠)、顯(藍)、德(黃)
宗教 佛教
所屬團體 香港佛教聯合會
地址 香港九龍長沙灣長發街38號
電話 (852) 23862988
傳真 (852) 23369365
電郵地址 [mailto: bthc088@yahoo.com.hk bthc088@yahoo.com.hk]
網址 http://www.bthc.edu.hk


佛教大雄中學Buddhist Tai Hung CollegeBTHC)係位於香港九龍長沙灣嘅一間政府津貼中學1969年創校,係香港佛教聯合會創辦嘅第二所中學。位置係長發街 38 號。現任校長係何婉瑩。

校舍[編輯]

大雄校舍佔地約五千平方米,樓高六層,有供一般教學用嘅標準教室 26 間,實驗室 4 間(物理室、生物室、化學室、綜合科學室)、地理室、音樂室、美術室各一間。此外,又有畀同學課餘嘅圖書館同閱讀室,畀社工約見家長同埋輔導學生用嘅會見室。學校設有籃球場、排球場、體操室、有蓋操場、園圃,畀學生活動同休憩。

電腦設施方面,個個課室都有網絡接點、投影機同多媒體電腦,教員室入面就為每位先生提供一部多媒體桌面電腦,方便老師搵資料,製作教材,另外附設教學軟件製作中心,研發校本嘅教材以及教學平台;另外,重有電腦室同多媒體語言中心,畀同學上堂用;圖書館亦裝有 43 部電腦畀同學使用。

新翼起好之後,增加咗學生活動中心同輔導活動中心,仲有畀老師同學生傾計嘅聚言室、暢談室、學生會辦事處、領袖生室同家長教師會辦事處等等。2003年,又增設咗英語閣,等學生可以同外籍老師暢談和交流;2004年,增加咗數學閣,等同學喺唔上堂嗰時,透過唔同嘅活動,啟發佢哋研習數學嘅興趣。

班別架構[編輯]

  • 本校中一至中五採用平衡班制,設四班或五班。
  • 中三嘅同學可以全部獲派中四學位。
  • 中六同中七:文科和理科各一班。

初中學生除修讀一般基礎課程外,亦可以研習普通話及電腦等科目。


校徽[編輯]

「卍」本來係古代嘅一種吉祥徽號,有釋為「德」字,亦有譯為「萬」,就係萬德匯聚嘅意思。後來畀佛教廣泛採用,作為吉祥如意嘅象徵。

至於法輪方面,「輪」係古印度的一種武器。而「法輪」係指所講嘅教法圓滿無缺,有「輪」咁嘅威力,能夠滅除煩惱,乃至摧毀一切唔正確嘅見解。


校訓[編輯]

大雄嘅校訓係「明智顯悲」,即係「明平等智,顯同體悲」。

所謂「明平等智」,即係我地要將「平等性智」嘅佛德,徹底研究明白,明白有自己亦同時有他人嘅道理。彼此之間,也須平等待遇。人同人,人同物,物同物之間,都有平等嘅概念存在住。呢個係佛教嘅術語。如來有四智:大圓鏡智,平等性智,妙觀察智,成所作智。平等智,就係平等性智嘅簡稱。以凡夫俗子嘅第七識之「我見」,轉而提昇得到智慧,以證明自己同其他人,一切都係平等齊觀,彼此佛性同故,常住不變嘅。故謂之「平等性智」即密宗的「灌頂智」。

而「顯同體悲」方面,佛理認為,一切眾生嘅身體,同己身同為一體,同樣會發生拔除痛苦,興起快樂嘅心,呢個就係同體嘅慈悲心(儒家叫佢做「仁」,現代就叫「同情心」)。凡有學問嘅人,應該盡量表現出嚟。同體慈悲又係佛教術語,起信論曰:「一切諸佛菩薩,皆願度脫一切眾生,常恆不捨,以同體智力之故,就隨應見聞而現作業」。又曰:「一切眾生如己身,平等無別」。

學校網頁[編輯]