光之美少女

出自維基百科,自由嘅百科全書
跳去: 定向搵嘢

光之美少女》(ふたりはプリキュア)係日本東映動畫整嘅動畫系列,同埋呢個系列第一輯嘅同名動畫作品。呢度只介紹《光之美少女》同埋《光之美少女 Max Heart》(ふたりはプリキュア Max Heart),第三輯《光之美少女Splash Star》(ふたりはプリキュア Splash Star)同埋第四輯《Yes! 光之美少女5》(Yes! プリキュア5)就喺其他文度解釋,之後又出咗第五輯《Yes! 光之美少女5 GoGo!》(Yes! プリキュア5Go Go!),係第四輯嘅續集,之後重出埋《Fresh!光之美少女》,各個板本都係冇關係嘅,唯一關係係喺大電影《All Star DX》光之美少女大集合。

概要[編輯]

呢部動畫自2004年開始喺日本播放。佢不拘泥於傳統少女動畫公式嘅故仔同埋設定引起話題,除咗原本訂為目標嘅少女市場,喺家長同埋一部分的動畫迷之間亦深受好評,成為熱門作品。

雖然係以幼稚園到小學三、四年級嘅女仔為主要對象嘅動畫作品,但本作喺戰鬥中唔用魔法噉嘅攻擊,反而係好似英雄式動畫噉以肉搏方式戰鬥。加上劇中嘅玩具商品並非直接進行攻擊嘅武器,冇類似「美少女戰士」中「禮服蒙面俠」嘅男助手,將兩位女主角嘅顏色設定為「黑、白」等等,作咗好多同以前嘅類似動畫唔同嘅嶄新嘗試。

系列導演係執導過「龍珠」系列等作品,擅長激烈戰鬥場面嘅西尾大介

喺「可以賣到50億日圓就等於大成功」嘅日本少女玩具市場中,以Bandai公司出產嘅玩具創下超過100億日圓收入嘅佳績,顛覆咗玩具業界嘅常識。

內容簡介[編輯]

運動萬能、擁有正義感,喺班度最受歡迎嘅美墨莎莎。成績好好,永遠係全班第一,但其實有啲天真嘅雪城乃香,兩人都係菲諾奈學院女子中學部二年級學生。某一日,莎莎同埋乃香各自見到不可思議嘅神奇生物美波同埋米波,佢哋由於鄉下光之園遭到邪惡嘅攻擊,所以走咗去虹之園。

然後,莎莎同埋乃香俾美波同埋米波賦予神奇力量,攜手變身成光之美少女「Pretty Cure」。

性格同興趣都完全相反嘅兩個人同心協力,同嚟自闇之領域嘅邪惡敵人展開戰鬥。

電視播放資料[編輯]

日本:「ふたりはプリキュア

2004年2月1日 - 2005年1月30日 全49集
  • 播放電視台及時間:朝日電視台,逢星期日朝早8點30分至9點

香港:「光之美少女」

2006年7月16日 - 2007年7月22日 全49集

光之美少女 Max Heart[編輯]

故事簡介[編輯]

新學期開始,莎莎同埋乃香成為菲諾奈學院女子中學部三年級學生,過著普通女仔嘅學校生活。而美波、米波同埋保倫喺上次戰鬥後陷入漫長沉睡。呢個時候喺光之園,喺激戰後受傷嘅女王分裂成幾個部分,喺遠處消失。同一時間,莎莎同埋乃香遭到薩凱那嘅襲擊。

突然,美波同埋米波醒番,兩人用新嘅變身器再次變身成「Pretty Cure」,而力量亦提升咗。

為咗令冇咗記憶同埋原本姿態嘅女王恢復原狀,莎莎同埋乃香,甦醒之後力量提升嘅美波、米波同埋保倫,同不可思議嘅少女,九條光展開新嘅故事。

電視播放資料[編輯]

日本:「ふたりはプリキュア Max Heart」

2005年2月6日 - 2006年1月29日 全47集
  • 播放電視台及時間:朝日電視台,逢星期日朝早8點30分至9點

香港:「光之美少女」

2007年10月23日 - 2008年4月1日 全47集

登場人物[編輯]

人名嘅表示方式係 中文名(日文原名):聲優
「參考片集」(次要角色用):係一啲突出角色性格或者以嗰個角色作內容主線嘅片集(無印係第一輯;Max Heart係第二輯)

光之美少女同埋同伴[編輯]

美墨莎莎(美墨なぎさ / 黑天使(キュアブラック本名陽子
光之美少女中嘅黑天使,個性開朗而橫衝直撞。佢係菲諾奈學院女子中學部二年櫻班嘅學生,亦係長曲棍球隊嘅王牌球員。唔鍾意唸書同埋蟲,但係運動萬能,成日成為班女學生憧憬嘅對象。但同班女學生嘅熱烈歡迎相反,似乎冇乜男人緣,心中偷偷愛慕住男子中學部三年級嘅藤村省吾。佢同父母、細佬四人住喺公寓,鍾意食朱古力,口頭禪係是「有咩可能喎!」。佢借助美波嘅力量變身成黑天使,變身後主要以拳腳攻擊。1990年10月10日出世,血型係O型。佢喺「Max Heart」時升上三年級,擔任長曲棍球隊隊長。
  • 絕技(亦可以同雪天使一齊使出必殺技)
無印:亮晶晶黑白迴轉(Level 1)、亮晶晶彩虹配方(Level 2)、亮晶晶幻彩風暴(Level 3)
Max Heart:亮晶晶黑白迴轉Max模式(Level 3)、亮晶晶黑白迴轉Max模式+閃耀之光(Level 5)、亮晶晶黑白迴轉Max模式+亮晶晶閃耀極限(Level Max)【最終招式,參考片集:Max Heart 47】
雪城乃香(雪城ほのか / 雪天使(キュアホワイトゆかな
光之美少女中嘅雪天使,生長喺富裕家庭嘅文靜少女,雖然有啲天真但對錯誤嘅行為唔會坐視不理。佢嘅學問知識好廣博,好鍾意睇書,喺學校嘅成績永遠都係第一,大家都叫佢做「學識女王」。佢就讀菲諾奈學院二年櫻班,社團係科學社,好鍾意做一啲充滿獨創性嘅實驗(而且好成功)。由於父母都喺海外(法國)做嘢,佢同祖母同埋隻狗忠太郎一齊住喺日式宅院。佢借助米波嘅力量變身成雪天使,變身後雖然力量冇黑天使咁勁,但擅長用投擲、擒拿等華麗柔術同埋腿技進行攻擊。1990年4月4日出世,血型係B型。佢喺「Max Heart」時升上三年級,擔任科學社社長。
  • 絕技(亦可以同黑天使一齊使出必殺技)
無印:亮晶晶黑白迴轉(Level 1)、亮晶晶彩虹配方(Level 2)、亮晶晶幻彩風暴(Level 3)
Max Heart:亮晶晶黑白迴轉Max模式(Level 3)、亮晶晶黑白迴轉Max模式+閃耀之風(Level 5)、亮晶晶黑白迴轉Max模式+亮晶晶閃耀極限(Level Max)【最終招式,參考片集:Max Heart 47】
九條光(九条ひかり / 夏妮露米納斯(シャイニールミナス田中理惠 *喺「Max Heart」出場
突然間喺莎莎同埋乃香面前出現嘅不可思議少女,真實身分係女王嘅一部分「生命」,亦係光力量嘅直接來源。平時嘅身分係藤田茜嘅親戚,就讀菲諾奈學院一年桃班。佢同藤田茜喺公寓一齊住,亦喺藤田茜開嘅移動式咖啡廳TAKO CAFE幫手。佢借助保倫嘅力量變身成夏妮露米納斯,通常唔直接參與戰鬥,主要係輔助黑天使同埋雪天使。1992年9月9日出世,血型係AB型。
  • 絕技(同黑天使、雪天使嘅必殺技係)
Max Heart:亮晶晶閃耀極限(Level 4)、亮晶晶閃耀極限三段模式(Level 5)【參考片集:Max Heart 31】
個人絕技:露米納斯閃耀之光(Level 2)、Heart Brooch(Level 3)【參考片集:Max Heart 30】
美波(メップル關智一
帶住守護生命之石「光譜結晶」使命嘅「萬中選一之勇者」,係莎莎嘅精靈同伴。佢嚟自光之園,同米波相愛。為咗追趕去到虹之園(人間)嘅美波而由光之園走到嚟人間,降落喺莎莎間房。由於喺虹之園無法維持原來嘅形態太耐,平時會變成好似手機嘅樣。相當任性,成日同比佢更任性嘅保倫起衝突,或者同莎莎嗌架,又要莎莎以刷卡方式照顧佢。條尾收埋咗光譜結晶之一「紅寶石」。講嘢鍾意喺句尾加上「美波」。
  • (參考片集:無印第2集)
米波(ミップル矢島晶子
同美波一樣,嚟自光之園嘅「希望之公主」,係乃香嘅精靈同伴。比美波重早1日嚟到虹之園,但因為光之園嘅1日等於虹之園嘅100年,令佢沉睡咗100年咁耐,之後感應到美波而醒番,俾乃香喺庭院嘅舊儲物間發現。個性比美波成熟好多,擁有母性嘅一面,對保倫有啲溺愛。雖然自己唔記得,但曾經喺好耐之前做過乃香祖母嘅守護者。條尾收埋咗光譜結晶之一「藍寶石」。講嘢鍾意喺句尾加上「米波」。
  • (參考片集:無印第4集)
保倫(ポルン池澤春菜
莎莎同埋乃香集齊七粒光譜結晶之後嚟到虹之園嘅「領導未來嘅光之王子」,平時會變成好似筆記型電腦嘅樣。比美波重更加任性,如果唔聽佢講嘅嘢就會係噉喊。佢同美波一齊住喺莎莎間房,成日一個人走出去外面,最後蕩失路。擁有預知未來嘅能力,但因為表達能力唔夠,對莎莎同埋乃香嘅警告通常都冇用。後期因為結晶守護者將光譜結晶交托畀佢,令佢得到能夠畀光之美少女「幻彩魔力環」嘅力量。他喺「Max Heart」成為光嘅夥伴,同夏妮露米納斯一齊活躍。句尾鍾意加「波波」。
  • (參考片集:無印第31集)
露露(ルルン谷井あすか *喺「Max Heart」登場
追隨保倫而嚟嘅「編織未來嘅光之公主」,保倫個細妹,比佢更任性更麻煩,扭計力量過之而無不及,連保倫都頂唔順。同保倫一樣,有提升夏妮露米納斯能力嘅力量,令夏妮露米納斯擁有Heart Brooch。
  • (參考片集:Max Heart第28、30集)

莎莎、乃香嘅屋企人[編輯]

美墨岳子安武人
莎莎嘅阿爸,以前係理組學生,而家從事研究方面嘅工作。鍾意攬爛gag。
  • (無印第15集,Max Heart第18集)
美墨理恵荘真由美
莎莎嘅阿媽,係家庭主婦,對莎莎同埋亮太非常嚴格,但平時係一位好媽媽。淨係得佢覺得莎莎爸爸嘅爛gag「好笑到令人頂唔順」。
  • (Max Heart第13集)
美墨亮太高橋直純
莎莎嘅細佬,成日同莎莎嗌交,而俾莎莎施以眼鏡蛇固定法。偷偷暗戀乃香。
  • (參考片集:無印第38集,Max Heart第40集)
雪城莎娜耶(雪城さなえ野沢雅子松岡由貴(少女時代)
乃香嘅祖母,代替乃香喺國外嘅父母撫養乃香。後生嗰時經歷過戰亂,面對一片頹坦敗瓦而惆悵嘅時候執到米波,並且俾佢鼓勵努力生存落去,因此對米波施予嘅力量知少少(不過乃香唔知呢件事)。善於洞察人心,偶而會對惆悵緊嘅莎莎乃香給予心靈上嘅支持同埋幫助,同時好鼓勵乃香同埋莎莎所建立嘅良好交情。
  • (參考片集:無印第28集)
雪城太郎宮下タケル
乃香嘅阿爸,同老婆喺海外從事美術工作,每年淨係喺乃香嘅生日會回國。
  • (參考片集:無印第10集,Max Heart第9集)
雪城文伊藤美紀
乃香嘅阿媽,同老公一樣對工作絕不妥協,但對乃香非常溺愛。
忠太郎置鮎龍太郎
雪城家嘅狗,公嘅黃金獵犬。係除咗祖母之外唯一知道乃香同埋莎莎力量嘅「動物」。成日畀保倫、美波等坐上去佢背脊度玩。
  • (參考片集:無印22集)

菲諾奈學院[編輯]

高清水莉奈德光由禾
莎莎嘅好友,長曲棍球隊隊員。成日同莎莎、志穗三個人一齊行動,身高係三個人之中最高嘅。養過一隻野生小浣熊。
  • (參考片集:Max Heart第20集)
久保田志穗仙台エリ
莎莎嘅好友,長曲棍球隊隊員。鍾意古怪嘅謠言,說話成日重複三次,係三個人之中最聒噪嘅。
  • (參考片集:無印第33、37集,Max Heart第28集)
中川弓子生天目仁美
比莎莎大一年嘅學姐,長曲棍球隊隊長,個性沉着冷靜。
百合子(ユリコ鎌田梢
科學社社員。對科學抱住極大熱誠,崇拜乃香。乃香喺科展期間為表揚佢嘅功勞,將實驗裝置「乃香1號」改名為「百合子1號」。
  • (參考片集:無印第13集,Max Heart第17集)
小田島友華飯塚雅弓
比莎莎、乃香大一年嘅學姐。氣質端莊而且才色雙全,係班女學生嘅偶像,本來屬科學社,但不時做其他學社嘅客席社員。為保住喺啲人心目中嘅「大姐姐」形象,凡事都要求自己臻於完美,但喺莎莎面前,「大姐姐」嘅形象就冇晒。
  • (參考片集:無印第16、34集,Max Heart第24集)
越野夏子(こしの なつこ)小清水亞美
莎莎、乃香嘅同班同學。由於曾經親眼目睹光之美少女戰鬥嘅樣,就同京子一齊扮光之美少女,鍾意設計造型。
  • (參考片集:無印第14集)
森京子(もり きょうこ)名塚佳織
莎莎、乃香嘅同班同學。曾經同夏子一齊扮光之美少女。擅長設計服裝造型。
  • (參考片集:無印第14集)
柏田真由(かしわだ まゆ)渡邊明乃
生得同莎莎好似。好鍾意畫畫。
  • (參考片集:無印第4集)
谷口聖子(たにぐち せいこ)吉田小南美
莎莎、乃香嘅同班同學,鍾意奇力亞。喺合唱比賽擔任鋼琴伴奏
  • (參考片集:無印第43、44集)
矢部千秋(やべ ちあき)中川亞紀子
莎莎、乃香嘅同班同學。喺合唱比賽做指揮,對自已同人哋都好嚴肅。
  • (參考片集:無印第45集)
多幡奈緒
小光嘅同班同學。好崇拜莎莎。
  • (參考片集:Max Heart第15集)
加賀山美羽:水澤史繪
小光嘅同班同學。好崇拜乃香。
  • (參考片集:Max Heart第15集)
野野宮:寺田はるひ
科研社一年級新生
  • (參考片集:Max Heart第9集)
竹之內吉美(竹ノ内よし美永野愛
莎莎同埋乃香嘅班主任,教國文。對返學遲到、上堂發白日夢嘅莎莎甚少採取寬容態度,不過亦係位平易近人嘅老師。
  • (參考片集:無印第39集)
校長:塩屋浩三
米槻副校長(こめつき):西村朋紘
藤村省吾岸尾大輔
隔離男子中學部三年級嘅足球隊隊員,生得型、踢波技術了得。莎莎暗戀嘅對象,亦係乃香嘅青梅竹馬。綽號「藤P」。
  • (參考片集:無印43集,Max Heart第14集)
藤田茜(藤田アカネ藤田美歌子
菲諾奈學院女子中學部畢業,莎莎長曲棍球嘅大前輩,亦係個值得信任嘅大姐。本來係個喺大公司返工嘅職員,為咗證明自己嘅實力,毅然辭工自己開「TAKO CAFE」,專賣八爪魚丸等小食,係莎莎同埋乃香放學後成日幫襯嘅地方。
  • (參考片集:Max Heart第12集)

意志/閃耀精靈(Max Heart)[編輯]

探索精靈(シークン
係女王分解嘅12隻閃耀精靈之一,鍾意探索各項事物
  • (參考片集:Max Heart第1集)
熱情精靈(パション
係女王分解嘅12隻閃耀精靈之一,擁有自身嘅熱情
  • (參考片集:Max Heart第6集)
和諧精靈(ハーモニン
係女王分解嘅12隻閃耀精靈之一,鍾意同人哋做所有嘢
  • (參考片集:Max Heart第9集)
純真精靈(ピュアン
係女王分解嘅12隻閃耀精靈之一,擁有更大嘅愛
  • (參考片集:Max Heart第13集)
智慧精靈(インテリジェン
係女王分解嘅12隻閃耀精靈之一,鍾意睇書,永遠優等
  • (參考片集:Max Heart第16集)
真實精靈(ウィシュン
係女王分解嘅12隻閃耀精靈之一,擁有自身嘅美麗
  • (參考片集:Max Heart第20集)
努力精靈(ホープン
係女王分解嘅12隻閃耀精靈之一,同和諧精靈相同
  • (參考片集:Max Heart第26集)
勇氣精靈(ブレイブン
係女王分解嘅12隻閃耀精靈之一,鍾意加油打氣,攞獎勵
  • (參考片集:Max Heart第31集)
繁榮精靈(プロスン
係女王分解嘅12隻閃耀精靈之一,鍾意食,唔做嘢
  • (參考片集:Max Heart第35集)
幸福/快樂精靈(ハピネン
係女王分解嘅12隻閃耀精靈之一,鍾意有更大嘅幸運
  • (參考片集:Max Heart第37集)
愛情精靈(ラブラン
係女王分解嘅12隻閃耀精靈之一,同純真精靈相同
  • (參考片集:Max Heart第41集)
永恆精靈(エターナルン
係女王分解嘅12隻閃耀精靈之一,鍾意用到永恆,也亦象徵神聖
  • (參考片集:Max Heart第45集)

闇之領域[編輯]

賈酷王(ジャアクキング小野健一
支配闇之領域嘅邪惡帝王,企圖吞噬所有世界,得到擁有創造之力嘅光譜結晶。喺「Max Heart」因失去力量而重返細路時代,受闇之領域嘅新敵人照顧。
薩凱那(ザケンナー上別府仁資滝知史
可以附喺物品或動物身上改變姿態,俾光之美少女打敗之後會分裂成極多不斷講「對唔住」嘅小星星。
皮薩德(ピーサード高橋廣樹
黑暗五人組之一,最初和光之美少女交戰嘅對手。可以化成英俊嘅人形。擁有光譜結晶之一「綠寶石」。
  • (參考片集:無印第1、5集)
怪力德(ゲキドラーゴ石井康嗣
黑暗五人組之一,擅長使用怪力攻擊,但四肢發達,頭腦簡單。光譜結晶係「海藍寶石」。
  • (參考片集:無印第6集)
波絲妮(ポイズニー雨蘭咲木子
黑暗五人組之中唯一女性,奇力亞嘅家姐,擅長用戰術嘅頭腦派敵人,成日扮成唔同嘅人引莎莎落圈套(因為易騙啲)。光譜結晶係「黃玉」。
  • (參考片集:無印第12、20集)
奇力亞(キリヤ木内レイコ
黑暗五人組之中年紀最細嘅成員,為咗接近乃香而假扮成人類「入澤奇力亞」,潛入菲諾奈學院男子部一年級。喺親近乃香期間被感化而改邪歸正。光譜結晶係「黃水晶」。
  • (參考片集:無印第13、17、21集)
庫柏(イルクーボ二又一成
黑暗五人組隊長,着白袍,擁有五人組之中最強嘅力量。光譜結晶係「紫水晶」。
  • (參考片集:無印第19、24集)

闇之領域(Max Heart[編輯]

薩凱那(ザケンナー滝知史
可以附喺物品或動物身上改變姿態,俾光之美少女打敗之後會分裂成極多不斷講「對唔住」嘅小星星。
奇拉斯(サーキュラス上別府仁資
佢係賈酷王所復活嘅支配者,就係光之美少女嘅黑暗戰士,雖然冷靜亦有更大嘅判斷力。戰爭對戰對象係黑天使。
  • (參考片集:Max Heart第2~5集)
拉卡斯(ウラガノス高木涉
黑暗四人組嘅第二位,思維好激昂,所說嘅嘢亦唔靈,體型大可以強攻不滅。戰爭對戰對象係夏妮露米納斯。
  • (參考片集:Max Heart第6~8集)
比莉(ビブリス小林愛
第三位黑暗女戰士,佢嘅能力好有自信亦好堅強。戰爭對戰對象係雪天使。
  • (參考片集:Max Heart第9~11集)
拜倫(バルデス小野健一
第四位大魔王,超越其他黑暗戰士,威力無比。戰爭對戰對象係所有對手。
  • (參考片集:Max Heart第12、22、23集)

主題曲[編輯]

近年嘅動畫主題曲幾乎都係起用流行歌手嘅歌曲,但呢部動畫用咗好似早期動畫噉,喺歌詞度不斷連唱主角個名嘅主題曲,呢一點得到唔少好評。

光之美少女[編輯]

片頭曲『DANZEN! ふたりはプリキュア
作詞:青木久美子 作曲:小杉保夫 編曲:佐藤直紀 主唱:五條真由美
片尾曲『ゲッチュウ! らぶらぶぅ?!
作詞:青木久美子 作曲/編曲:佐藤直紀 主唱:五條真由美

光之美少女 Max Heart[編輯]

主題曲『DANZEN! ふたりはプリキュア(Ver. Max Heart)』
作詞:青木久美子 作曲:小杉保夫 編曲:佐藤直紀 主唱:五條真由美
前期片尾曲『ムリムリ!ありあり!!INじゃあな~い?!』(第1話~第36話)
作詞:青木久美子 作曲/編曲:佐藤直紀 主唱:五條真由美
後期片尾曲『ワンダー☆ウィンター☆ヤッター!!』(第37話~第47話)
作詞:青木久美子 作曲:間瀨公司 編曲:佐藤直紀 主唱:五條真由美

製作人[編輯]

  • 原作:東堂いづみ
  • 連載:講談社なかよし
  • 系列構成:川崎良
  • 音樂:佐藤直紀
  • 製作擔當:坂井和男
  • 美術設計:行信三
  • 色彩設計:澤田豊二
  • 角色設計:稻上晃
  • 系列導演:西尾大介
  • 製作人:大野逸雄(ABC)、龜田雅之(ABC)、鶴崎りか(ADK)、鷲尾天(東映動畫)

劇場版[編輯]

由於電視版大受好評,東映喺2005年初公佈首部劇場版。又因為首部劇場版獲得佳績,2005年末時趁勢推出第二部。

電影 光之美少女 Max Heart[編輯]

映画ふたりはプリキュア Max Heart

2005年4月19日喺日本上映。

故事簡介[編輯]

為咗守護「希望之園」同佢嘅力量來源「鑽石鏈」,光之美少女、夏妮露米納斯同埋希望之園嘅七位戰士共同對抗邪惡嘅魔女。

主題曲[編輯]

片頭曲『DANZEN!ふたりはプリキュア(Ver. Max Heart)』
片尾曲『心のチカラ
作詞:前田たかひろ 作曲、編曲:h-wonder 主唱:工藤靜香
插曲『希望の涙 ~Tears for tomorrow~
作詞:六見純代 作曲:淺田直 編曲:加藤みちあき 主唱:五條真由美

製作人[編輯]

  • 監督:志水淳兒
  • 劇本:羽原大介
  • 人物設定:稲上晃、為我井克美
  • 作畫監督:為我井克美、青山充

電影 光之美少女 Max Heart 2 雪空的朋友[編輯]

映画ふたりはプリキュア Max Heart 2 雪空のともだち

2005年12月10日喺日本上映。

故事簡介[編輯]

同一班同學去雪山滑雪嘅莎莎、乃香、光,為咗從黑暗戰士手中保護朋友-傳說之鳥「鳳凰」,勇敢挺身而出。

主題曲[編輯]

片頭曲『DANZEN!ふたりはプリキュア(Ver. Max Heart)』
片尾曲『ギャグ100回分愛してください
作詞/作曲:つんく 編曲:高橋諭一 主唱:Berryz工房
插曲 『Crystal』
作詞:大森洋子 作曲:nishi-ken 編曲:樫原伸彥 主唱:五條真由美

製作人[編輯]

  • 監督:志水淳兒
  • 劇本:成田良美
  • 人物設定:稲上晃、為我井克美
  • 作畫監督:為我井克美

香港粵語配音[編輯]

  • 美墨莎莎:程文意
  • 雪城乃香:鄭麗麗
  • 美波:黎桂芳
  • 米波:林雅婷
  • 雪城莎娜耶:區瑞華
  • 美墨理惠:袁淑珍
  • 美墨亮太:蔡惠萍
  • 高清水莉奈:謝潔貞
  • 久保田志穗:伍秀霞
  • 藤村省吾:梁偉德
  • 皮薩得:雷霆

相關系列[編輯]

連出去[編輯]