凸字

出自維基百科,自由嘅百科全書
跳去: 定向搵嘢
讀凸字;上面刻住⠏⠗⠑⠍⠊⠑⠗,即係法文premier,係第一咁解。

凸字,又叫做點字,係一種畀盲人用嘅,等佢哋可以靠摸凸字讀書。凸字英文叫 Braille,係法國人布雷爾 (Louis Braille) 響1829年發明。

凸字主要係同拉丁字母編碼,不過,唔同地方會因應各自語言特性而另行同凸字編碼。

歷史[編輯]

布雷爾細個已經係嘅。拿破崙想有一套可以夜晚可以讀嘅字,畀軍人唔使出聲唔使光都可以讀得到。所以佢叫巴比 (Charles Barbier) 做一套,用十二個點編字,不過呢套嘢畀一般軍人就太難學,軍方唔受佢呢一套。咁1821年巴比就去到法國巴黎嘅國立盲人學院,就響呢度遇到布雷爾。布雷爾發覺十二點太難用,讀一個字唔可以唔郁手指,咁樣,手指唔可以郁好快咁讀晒成句。布雷爾將個碼改寫,變做六點,咁讀嘅速度會快好多。

格式[編輯]

凸字固名思義就係響紙或其他平面上面凸來字,而點字就道出咗佢係用來編字。

多數人用凸字都係六點,排成長方形,每個方形代表代表一個字母或者符號。佢左右各三點排成兩棟,而格式就係咁:

㊀ ㊃
㊁ ㊄
㊂ ㊅

每一點嘅都有一個數字跟住,左邊一棟,由上至下,叫一二三。右邊一棟,上至下,叫四五六。要形容一隻凸字,就會叫佢凸起嘅點嘅數字,好似咁,例如拉丁字母M字,一三四點凸起咗,就會叫佢做一、三、四(1-3-4)。

後尾有咗因電腦,用美國信息交換碼 (ASCII)。凸字就就電腦八爻 (bit) 嘅卦 (byte),咁就加多兩點響下面,變做八點:

㊀ ㊃
㊁ ㊄
㊂ ㊅
㊆ ㊇

最低嗰兩點,左邊叫七,右邊叫八。七八點可以分拉丁字母大小寫同數字,而原點字就無分。不過對盲人來講,七八點係唔用,純綷係同交換碼兼容而設。

字母同數字[編輯]