1
出自維基百科，自由嘅百科全書
1係0同2之間嘅自然數，亦係最細嘅奇數。古時1係最細嘅數。唐字寫做一，好多文明都用一棟或者一橫寫個1。
集合論中，1 被定義為{0}。
目錄 |
[編輯] 唐字
唐字可以寫成一，古文又寫成弌 [1]。因為一容易畀人改，所以又寫做壹。
一字喺甲骨文、金文、箓文都係用一橫寫出來，隻字係來自算籌 [2]，而弌字係加咗聲符弋嘅字 [3]。甲骨文算籌由一到四，即係一二三亖，之上就用假借字表示 [2]。
一喺詞性上係數詞，而壹係形容詞。所以壹用原本只係專一咁解，壹當數字咁用，武則天嗰陣創嘅[4]。
一係古時最細嘅數，所以引申做開頭。
[編輯] 部首
《說文解字》首創一部，同一字形兼字義有關嘅字先歸入去。《康熙字典》精簡部首，保留一部，不過只係字形上來諗，收嘅字未必同一有關。一部係歸入子集，排第一。之後部首檢字法為主嘅中文字典，多數都跟康熙字典排法，一往往係第一個部首同第一個字。
一字字形可以做偏旁，不過唔係所偏旁都一有關。
[編輯] 音
一古音於悉切，入，質韻，影 [4]。
[編輯] 姓氏
[編輯] 數學性質
對於任何數x：
- x·1 = 1·x = x
- x/1 = x
- x1 = x
- 1x = 1
- x@1 = x and 1@x = 1
- 對任意數x，當x唔係0嗰陣，x0=1
- 斐波那契數列嘅第2項同埋第3項。
- 1唔能夠作為進位制嘅底。
- 1唔能夠做對數嘅底。
- 1嘅倒數係佢自己。
- 喺階乘，0!=1!=1
- 喺概率論中，是但一樣樣本空間中一定發生嘅隨機事件嘅機會率定義為1。
- 1係正數、整數、最細嘅正整數、奇數、實數、有理數、代數數。
- 喺幾何學中，單位圓嘅半徑係1。
- 歐拉公式，
，將數學上五個最重要嘅常數用最簡約嘅方式建立起關係。公式中包含1、0、自然對數嘅底e、圓周率π及複數嘅虛數單位i。 
[編輯] 科學
喺電腦科學，1經常用喺講真值嘅「真」值，即係嗰件事件符合咗程式碼嘅要求。而喺幾何光學，真空嘅折射率係1，咁即係代表喺真空入面，光嘅速度唔會變。
[編輯] 哲學
喺唐人文化中，「一」特別賦予咗萬物之始嘅意義：「惟初太極，道立於一，造分天地，化成萬物，凡一之屬皆從一」（《說文解字》）。道德經有道生一，一生二。 一亦可以代表天，易經就有寫「天一地二」。英文中亦以“The Great One”（偉大嘅一，太一）指代聖經中嘅上帝。
