簡譜

簡譜，叫做數字譜，係一隻主要用數字寫嘅樂譜。起源於法國，後尾德國人改良而成。自從1904年引入中國之後，響中國大行其道。德文叫Ziffersystem，直譯英文即係cipher system或者number system，即係用數字起嘅系統。

[編輯] 史

簡譜因為都幾簡單，所以可以有好多個獨自發明都唔奇。

Souhaitty C. Willems寫過本The Story of Notation，裹面就有講巴黎方濟會修士響1677年就將1234567代入唱名ut, re, me, fa, sol, la, se，亦有加點表明響個譜嘅位置。

法國人盧梭(Jean-Jacques Rousseau)就響1742年，響法國科學院(French Academy of Sciences)講佢呢個發明。

[編輯] 系統

[編輯] 音符

音符用1234567七個數字表示。呢七個等於大調嘅自然音階。如果係C大調，加埋音名，就會係咁：

音階:  C   D   E   F   G   A   B
音名:  do  re  mi  fa  sol la  si
數字:  1   2   3   4   5   6   7

[編輯] 八度

如果係高八度，就會響數字上面加點。如果係低八度，就會數字下面加點。響中間八度就乜都唔使加。如果再高多八度，就上面打直加兩點；再低多八度，就響下面加兩點，如此類推。就好似下面咁：

                     .
大調:  1 2 3 4 5 6 7 1
 
小調:  6 7 1 2 3 4 5 6
                  · ·

[編輯] 音長

通常齋數字係四分音符。下面加一間(間讀澗)，就會整短佢，每加一條就縮一半。加一間係八分音符，兩間係十六分音符，如此類推。呢個方法就似五綫譜音符會加條尾咁。綫可以連埋做一條，好似五綫譜咁。如果數字後面打橫加一間，就會加長個音，每加一條就就長一拍(四分音符)。

後面加點就係將個音加長一半。加兩點就係加長一半之餘，再加長成個音嘅一半，即係加長四分三，同五綫譜一樣。不過有個地方同五綫譜，簡譜後尾一間加多一點，只會多多一間四分音符嘅一半，唔似五綫譜會成個音加一半。

　　全音符:  1 - - -  加一點:   1 - - - - -  加兩點: 1 - - - - - -
 
　二分音符:  1 -      加一點:   1 - -        加兩點: 1 - - ·
 
　四分音符:  1        加一點:   1·          加兩點: 1··
 
　八分音符:  1        加一點:   1·          加兩點: 1··
 
十六分音符:  1
            =

[編輯] 休止符

休止符用0來表示。長過四分休止符，就只係每一個四分休止符多個0，唔使用後面加條橫綫。如果成個小節都係無聲。就每個四分音符一個0，好似3拍4就寫成"| 0 0 0 |"，而4拍4就寫成| 0 0 0 0 |。呢方面唔似五綫譜唔同音長有唔同休止符。

[編輯] 無音高音符

敲擊樂無音高嘅，就用X或者x寫。例如啦啦隊拍手，就寫成咁：

4/4                              > >
拍手: | X  X  X X X  | X X X X 0 X X ||

[編輯] 小節綫

每個小節尾就加一棟做小節綫。加兩棟做雙小節綫，表示音樂到尾，有時重學五綫譜一粗一幼。而重覆同五綫譜一樣，綫前面加兩點。

[編輯] 拍號

拍號就寫到好似分數(分讀份)咁：2/4, 3/4, 4/4, 6/8,等等。通常都擺響調號後面。拍號可以用音樂擺埋一行，又或者擺響上面。

[編輯] 變調同調號

調號可以用兩隻方法。可以就咁寫C調，C小調，又或者Key: C, Key: Cm。亦都可以寫明1代表邊個音，例1=C，就係C 大調。6=C就係C小調。2=D就係多利安調。

五綫譜有升降號，簡譜一樣係咁用。符號就加響1234567數字前面，等個音升或者降。而調號同和弦CDEFGAB七個字母呢，個升降號就加響佢後面。

升降號有樣嘢要留心。五綫譜上面，C小調就將B-E-A三個音降低半個音。所以我哋寫佢個和聲小調，就會放個還原號放響B♭前面。簡譜就一定寫♯5，因為5唔可降到。

[編輯] 延音綫，圓滑綫, 同其他音樂符號

簡譜延音綫(Tie)同圓滑綫(slur)都係同五綫譜一樣，只過係一定要放響數字上面。其他表現提示都係學五綫譜咁寫。而跳音(staccato)就要小心啲寫，因為佢同低八度嘅點好似。所以一係個點粗啲加埋寫得落啲，一係就用短跳音(staccatissimo)嘅倒轉三角細嘜。

[編輯] 變種

有啲簡譜將原本響下嘅綫劃咗上上面，而延音綫同圓滑綫就響上面。

有啲版本又會唔用點表示上下八度，而係畫一條長綫。數字寫響綫上中下。

[編輯] 歷史

簡譜響西方唔係咁常用，只有德國、法國、荷蘭有用，同埋俄國　 Mennonite會用。

不過簡譜響東亞就多用，尤其響中國，好多人識簡譜多過五綫譜。廣東話流行曲、詩歌嘅歌書都用簡譜來寫。有啲歌書會響五綫譜上面加埋簡譜。

[編輯] 使用情況

因為簡譜用數字來記譜，所以可以將譜變索引，用佢來搵歌，尤其係連歌名都唔記得嗰陣，下面就係個例：

|1·  1·  |1  23·  |  Row, row, row your boat
 
|1 1 5 5 |6 6 5 - |  Twinkle, twinkle, little star
 
|1 2 3 1 |1 2 3 1 |  Frere Jacques

簡譜之所以喺唐人地方咁流行，係佢同傳統工尺譜好似，啱晒中樂用，所以有時重會代替工尺譜。

簡譜寫起來，比五綫譜用少好位，少到去旋律綫上，甚至可以係兩行字中間加上去。和音都係打陣疊高來寫。不過，複雜嘅和音，簡譜呢方面嘅優點就無咁突出。

[編輯] 例

下面係兩幅圖可以比較下同一支歌，五綫譜同簡譜嘅分別：

五綫譜寫嘅Amazing Grace

簡譜寫嘅Amazing Grace

[編輯] 出面網頁

A page in The Life and Work of Jean-Jacques Rousseau shows his published work.
Ziffersystem (Numerical Musical Notation) in the Global Anabaptist Mennonite Encyclopedia Online.
Canaan Hymnal (Simplified Chinese) is an example of a Chinese hymn book written in jianpu.
Can You Shake It? The Angklung of Southeast Asia has examples of cipher notation used in South Asian music.
Magith is a shareware to create music using numbered musical notation.
S-Music Alpha version is a freeware editor for simplified music notation.

簡譜

目錄