吲哚

吲哚係一個芳香雜環有機化合物，係一個雙環結構，包含一個六元苯環同一個五元含氮嘅吡咯環。因為氮嘅孤對電子參與形成芳香環，所以吲哚唔係一個鹼，性質亦唔同簡單嘅胺。

喺室溫下，吲哚係一個固體。自然情況下，吲哚存在喺人類嘅糞便之中，並且有強烈嘅屎臭味。然而，喺好低嘅濃度下，吲哚具有類似花嘅香味，係好多花香嘅組成部分，例如橘子花，吲哚亦俾人用來整香水。喺煤焦油亦可以發現吲哚嘅存在。

喺好多有機化合物中能發現吲哚結構，比如色氨酸同含色氨酸嘅蛋白質，生物鹼同色素中也包含有吲哚結構。

吲哚能發生親電取代反應，多取代於3號位。取代吲哚好許多色胺鹼嘅基礎結構，比如神經傳遞素複合胺、褪黑素、迷幻藥、二甲基色胺、5-甲氧基-二甲基色胺同LSD。其他嘅吲哚化合物包括植物生長素（吲哚-3-乙酸），抗炎藥物消炎痛（茚甲新）同血管舒張藥物心得樂。

吲哚個名indole係由indigo（靛系染料）同oleum（發煙硫酸）組成，因為吲哚係通過混合靛藍同發煙硫酸首次製成。