李淵
(由唐高祖跳轉過嚟)
![](http://upload.wikimedia.org/wikipedia/commons/thumb/4/44/TangGaozu.jpg/250px-TangGaozu.jpg)
李淵(566年—635年)係大唐開國皇帝。未死就讓位畀二仔李世民繼位。佢死後廟號高祖,所以又叫唐高祖。
一生[編輯]
李淵喺隋朝長安出世,生響官宦世家。佢阿爺李虎喺西魏時曾經做過「太尉」,係開國功臣。其後爵位代代相傳,到李淵嗰代就變成「唐國公」。
佢嗰親表弟隋煬帝楊廣好重用李淵,喺山西太原留守,之但係隋朝地方大亂嗰陣,李淵自己喺太原起兵作反。佢由太原一路打到長安,前後用唔到一年時間。李淵立咗代王楊侑做皇帝,但無耐佢又命令楊侑將帝位傳畀佢,建立大唐。
史書通常寫到李淵好無能,但實際上佢建立大唐嘅時候都做咗好多嘢。啱啱建立唐朝佢就派個仔李世民統一中原,而佢又將隋朝嘅制度繼承落去,只係佢無採用到隋煬帝嘅律例。所以李淵對李世民「貞觀之治」打下咗好重要嘅基礎。
由於李淵對自己繼承人嘅問題一再反覆,導致佢三個仔李建成、李元吉、李世民之間嘅衝突。玄武門之變後李淵將皇帝位讓畀李世民,自己退位為太上皇。
635年,李淵去世,死後諡號太武皇帝,葬喺獻陵。
李淵去世40年後,佢個孫唐高宗李治喺674年改上尊諡號做「神堯皇帝」,相隔80年後,玄孫唐玄宗李隆基喺754年加上尊諡號做「神堯大聖大光孝皇帝」。
屋企[編輯]
后妃[編輯]
- 皇后
- 妃嬪
仔女[編輯]
仔[編輯]
- 隴西郡公→唐王世子→皇太子→除籍→息隱王→隱太子李建成(母竇皇后)
- 敦煌郡公→秦國公→趙國公→秦王→皇太子→太宗李世民(母竇皇后)
- 衛懷王李玄霸(母竇皇后)
- 姑臧郡公→齊王→除籍→海陵郡王→巢剌王李元吉(母竇皇后)
- 楚哀王李智雲(母萬貴妃)
- 趙王→荊王李元景(母莫嬪)
- 魯王→漢王李元昌(母孫嬪)
- 酆悼王李元亨(母尹德妃)
- 周王李元方(母張氏)
- 鄭王→徐康王李元禮(母郭婕妤)
- 宋王→徐王→韓王李元嘉(曾經因為反對武則天統治而改姓虺,所以又名虺元嘉,母宇文昭儀)
- 荊王→彭思王李元則(母王才人)
- 藤王→鄭惠王李元懿(母張寶林)
- 蜀王→吳王→霍王李元軌(曾經因為反對武則天統治而改姓虺,所以又名虺元軌,母張美人)
- 豳王→虢莊王李鳳(母楊美人)
- 漢王→陳王→道孝王李元慶(母劉婕妤)
- 鄶王→鄧康王李元裕(母崔嬪)
- 譙王→舒王李元名(母小楊嬪)
- 魏王→燕王→魯王李靈夔(曾經因為反對武則天統治而改姓虺,所以又名虺靈夔,母宇文昭儀)
- 許王→江安王李元祥(母楊嬪)
- 密貞王李元曉(母魯才人)
- 滕王李元嬰(母柳寶林)
粗體字係死後先至封贈。[1]
女[編輯]
李淵有19個女[2]:
- 長沙公主(下嫁馮少師)
- 襄陽公主(下嫁竇誕)
- 平陽公主(母竇皇后,下嫁柴紹)
- 高密公主(下嫁長孫孝政,又嫁段綸)
- 長慶公主(先封為桂陽公主,下嫁趙慈景,又嫁楊師道)
- 長沙公主(先封為萬春公主,下嫁豆盧懷讓)
- 房陵公主(先封為永嘉公主,下嫁竇奉節,又嫁賀蘭僧伽)
- 九江公主(下嫁執失思力)
- 廬陵公主(下嫁喬師望)
- 南昌公主(下嫁蘇勖)
- 安平公主(下嫁楊思敬)
- 淮南公主(下嫁封道言)
- 真定公主(下嫁崔恭禮)
- 衡陽公主(下嫁阿史那社爾)
- 丹陽公主(下嫁薛萬徹)
- 臨海公主(下嫁裴律師)
- 館陶公主(下嫁崔宣慶)
- 安定公主(先封為千金公主,下嫁溫挺,又嫁鄭敬玄)
- 常樂公主(下嫁趙瑰)
參考[編輯]
- ↑ 《新唐書》,卷79,列傳第4
- ↑ 《新唐書•諸帝公主列傳》