斯特拉斯堡

出自維基百科,自由嘅百科全書
跳去: 定向搵嘢
斯特拉斯堡聖母主教坐座堂

斯特拉斯堡(法文Strasbourg,讀/stʀazbuʀ/;阿爾薩斯文:Strossburi,讀/ˈʃtɾɒːs.b̥u.ɾi/;德文Straßburg,舊寫Strassburg)係法國東北面一個城市,係阿爾薩斯大區(Alsace)地方大城。1999年市區人口65萬。個城好近德國邊境,係下萊茵省(Bas-Rhin)省城。

斯特拉斯堡係歐洲重鎮,歐盟好多重要機構都響度設總部,包括歐洲人權法院歐洲申訴專員辦公室歐洲快速反應部隊歐洲藥物及保健質素管理局同埋歐洲視聽觀察中心(European Audiovisual Observatory)。另外,歐盟委員會歐洲理事會雖然將總部設喺比利時布魯塞爾,但係就規定每年都要喺斯特拉斯堡開一次會。

斯特拉斯堡係個工業同工程要地,交通發達,有好多公路、鐵路、河道。佢有萊茵河第二大港,排響德國杜伊斯堡(Duisburg)之後。萊茵河航運中央委員會總部都響城度。

斯特拉斯堡城中央部份歷史悠發,中間個大島(Grande Île)1988年畀聯合國敎科文組織定做世界文化遺產,係第一次成個市中心得到咁嘅榮銜。個城係阿爾薩斯文化一部份,貫通法德兩國文化,有拉丁同日爾曼元素。