春袋

春袋解剖圖

春袋（讀音：cönt dòi）係男人生殖器一部分，學名叫陰囊（英文一般叫 balls）。

春袋裝住睾丸同輸精管，又連接賓舟。春係指睪丸，而睪丸嘅另一個名係春核或叫春子（因為佢個形態呈粒狀）；所以載住春核嘅地方自然俾人叫春袋。

古代做法

內文： 閹

古時中國太監要自小切除春袋（自宮），令佢哋永遠失去性同生育嘅能力，以免佢哋背著皇帝同後宮偷歡。自帝制冇咗之後，呢種做法亦成為歷史。

舊時嘅西方、印度、中東、非洲亦有切除睪丸 / 春袋嘅做法，為嘅係懲罰、宗教、權力呢啲理由。有一種係為咗保留男仔發育前嘅聲，令到男人嘅性徵唔會出現，繼續唱童聲，呢啲唱歌嘅人叫 castrato。