曼谷

曼谷日落時候嘅情景

曼谷（泰文寫做กรุงเทพมหานคร，Krung Thep Maha Nakhon；萬國音標：[kruŋtʰeːp mahaːnakʰɔn]，กรุงเทพมหานคร ^{個快勞—播}），以前華人又稱之為泰京、暹京，廣東話叫濱角，係泰國嘅首都，佢係近年全世界訪客熱門嘅旅遊目的地。

曼谷個英文全名（Krung Thep Maha Nakhon）係全世界最長嘅，有48個音節咁多，英文簡稱叫Krung Trep（กรุงเทพฯ ^{個快勞—播}），但一般人都係叫佢做Bangkok。

曼谷係泰國最有錢、最多人嘅城。人口來計係排廿二。雖然登記只有850萬人（實際上應該會多好多），其中300幾萬係華人。如果計埋坐車來返工嘅人，可以去到1500萬，可以話係世界最密。以經濟數值來計，已經同星架坡差唔多，所以泰國係東南亞一個主要經濟中心，連起高樓嘅速度亦都係世界之冠。

景點

• 乍都節市場
• 泰王王宮 - 玉佛寺
• 臥佛寺
• 四面佛像

行政區分

大曼谷地區喺行政上一共分為五十個區，啲區名分別為：拍那空區、律實區、巴吞旺區、三攀他旺區、挽叻區、然那哇區、挽卿區、拍耶泰區、挽甲必區、拍崑崙區、民武里區、廊祝區、叻甲挽區、吞武里區、空訕區、曼谷蓮區、曼谷艾區、叻巫拉納區、打鄰倉區、匯權區、拍司乍能區、挽坤天區、廊卿區、邦巴沙都拍區、挽是區、挽柯蓮區、拉貼威區、巴威區、空堤區、明拱區、叻拋區、乍都節區、廊曼區、挽拍區、庄湯區、萱鑾區、領亮區、杜色區、農卓區、農鑒區、曬邁區、鼎甸區、鵬昆區、沙吞區、黃襟園區、三攀松區、旺董郎區、空三華區、他威宛他那區、宛他那區。

外面嘅連結

維基同享有多媒體嘅嘢：

曼谷

• 曼谷集體運輸系統公眾公司官方網站 （英文）