有袋類

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
有袋類
化石年代:白堊紀中期至而家
一隻東部灰大袋鼠媽媽同佢嘅仔
一隻東部灰大袋鼠媽媽同佢嘅仔
物種分類
動物界 Animalia
脊索動物門 Chordata
哺乳綱 Mammalia
亞綱 獸亞綱 Theria
下綱 有袋下綱 Marsupialia
Illiger, 1811

有袋類Marsupialia),又叫有袋動物,係一班母獸身上有典型育幼袋哺乳動物,而家物種主要分佈喺澳洲同附近島嶼,亦都有少數生活喺南美洲中美洲北美洲。而其他地方(包括中國)就只有化石嘅紀錄。

特徵[編輯]

袋鼠育幼袋入面嘅仔。

有袋類乸擁有用嚟撫育幼獸嘅育幼袋,而且重有兩條共用開口嘅陰道,分別通往子宮內唔同部位;而公通常擁有一具純粹用嚟輸送精液嘅分岔陰莖。無論公抑或乸,體內嘅廢物都係經由一種稱為泄殖腔嘅構造來排放出嚟。

大肚嘅乸會喺子宮裏面長出卵黃囊胚胎營養。而胚胎喺發育早期(大約4至5個禮拜)就會出世,之後會慢慢爬到媽媽嘅育幼袋裏面,並吸取位於袋裏面嘅乳頭。幾個禮拜之後,仔將可以暫時或永久離開育幼袋。

有袋動物比起有胎盤動物會較早生仔,因為有袋動物體內冇一個以保護胎兒,免受媽媽免疫系統攻擊嘅胎盤。雖然早產而身形細隻仔獸喺生存上有較大危險,但如此一來亦減少咗大肚時嘅風險,例如唔需要喺生活艱難嘅季節陀咁大個胎。

由於出世之後嘅仔獸必須爬行到母親嘅乳頭位置,因此至少喺出世嗰時,佢哋嘅前臂會比身體其他部位嘅發育更加完整。而咁樣可能亦係造成有袋動物嘅行動範圍比起有胎盤動物細嘅原因。有袋動物嘅前臂必須發展出可以爬行到嘅爪,因此唔似得有胎盤動物咁發展出具有其他功能嘅(例如鯨魚)、(例如水牛)或者(例如蝙蝠)。

起源同分佈[編輯]

M.J. Spechttn喺1982年所發布嘅化石證據,顯示有袋動物唔係好似早期理論咁認為係有胎盤動物嘅原始形態,而係同有胎盤動物大約喺中生代分別演化出嚟。目前已知最早嘅有袋動物化石喺中國出土,係生活喺大約1億2千5百萬年前嘅沙氏中國袋獸Sinodelphys szalayi),生存期間大約相當於同一地點所發現嘅早期有胎盤動物化石。

關於有袋類嘅早期演化歷程有好多唔同嘅理論。其中一種理論認為,有袋動物係喺北美洲進化而成,並且由嗰度開始發展,經由歐洲散佈到亞洲非洲,之後喺南北美洲分離(後來再度相連)以前到咗南美洲。跟住再經由南極洲來到當時已經有胎盤動物生存嘅澳洲

另一種理論認為,有袋動物係喺澳洲進化而成,之後先經由南極洲到南美洲同北美洲。而喺中國發現到嘅有袋動物化石,又支持咗一種經由南亞到達澳洲嘅理論;不過呢項理論嘅難題,在於新畿內亞地區所發現到嘅同類化石,比起澳洲重更年輕。

喺多數嘅大陸上,有胎盤動物嘅生存比起有袋動物更為成功,而且完全冇現存嘅有袋動物。相對嚟講,喺南美洲至今仍有好多屬於有袋動物嘅負鼠存在。喺第三紀時期,重有一啲有袋動物成為捕獵者,例如古鬣狗Borhyaenidae)、袋劍虎Thylacosmilus)、袋獅、食肉袋鼠等。喺澳洲,有袋動物取代咗有胎盤動物成為主要嘅哺乳動物

目前已知嘅有袋類大約有334個物種,當中超過200種生活喺澳洲同附近嘅島。而喺美洲地區亦有大約100個現存物種,多數生活喺南美洲。不過經歷咗「南北美洲生物大遷徙」嘅過程之後,令中美洲都出現咗13個物種,北美洲則有1個物種。

分類學[編輯]

樹熊 Phascolarctos cinereus
蜜袋鼯 Petaurus breviceps
袋狼 Thylacinus cynocephalus

有袋動物喺分類上被命名為有袋下綱(Marsupialia),其中主要可分為兩大類:美洲有袋類澳洲有袋類微獸目(Microbiotheria)生存喺南美洲,但親緣關係可能同澳洲有袋動物較為接近。有袋動物中有好多生活喺樹頂上嘅小型種類,例如美洲負鼠(Didelphidae)同澳洲負鼠(Phalangeriformes),現時科學家對佢哋嘅認識仍然好少。

文獻[編輯]

  • Template:MSW3 Gardner
  • Groves, C.P. (2005). Wilson, D.E.; Reeder, D.M. (編). Mammal Species of the World: A Taxonomic and Geographic Reference (第3版). Baltimore: Johns Hopkins University Press. pp. 22–70. ISBN 0-801-88221-4. OCLC 62265494. {{cite book}}: Invalid |ref=harv (help)
  • Tim Flannery (1994),The Future Eaters: An Ecological History of the Australasian Lands and People, pages 67-75. ISBN 0-8021-3943-4 ISBN 0-7301-0422-2
  • Tim Flannery, Country: a continent, a scientist & a kangaroo, pages 196-200. ISBN 1-920885-76-5
  • The Life of Mammal,David Attenbough

連出去[編輯]