本州

出自維基百科,自由嘅百科全書
本州(深色部份)

本州日本最大嘅一個,喺日本列島嘅中間,向北佢同北海道隔住津輕海峽相望,向南隔住瀨戶內海四國相對,向西南佢就同九州隔住關門海峽豐後水道。如果唔當澳洲係島嘅話本州就係世界上第七大嘅島。

地理[編輯]

本州從東北向西南延伸,全長大約1300 公里,闊 50 至 230 公里,總面積 230500 平方公里,佔日本總面積嘅六成,海岸線全長 5450 公里。本州係一個火山島,島上面直到今時今日都重有活躍嘅火山,周不時都有地震。本州最高嘅活火山就係好出名嘅富士山,高 3776 米。本州亦有好多條,其中信濃川係日本最長嘅河。沿住本州嘅北便有一條山脈從東北一直延伸去到西南。本州嘅山區亦係島上西南同東北氣候差得遠嘅主因。

本州嘅氣候係季風氣候,一年之中由北方嘅温帶季風氣候慢慢咁變成南方嘅亞熱帶季風氣候,不斷交替。

人口[編輯]

本州嘅人口喺 2000年已經達到一億,主要集中喺關東平原上面,而住喺東京橫濱附近嘅人口佔全島人口嘅 25% 左右。其他重要城市有京都大阪神戶廣島仙台同埋名古屋咁。日本七成半嘅大城市都喺本州,日本歷史上嘅政治同文化中心都喺呢度。

行政劃分[編輯]

本州喺地理上分做五個地方,政區一共有34 個縣:

隧道、橋係本州連接北海道九州四國之間嘅主要交通設施。

農業[編輯]

本州係日本非常重要嘅農業地區,平原地區盛產米同蔬果,例如山梨縣就係國內主要嘅生果出產地。

日本 日本