江戶幕府

出自維基百科,自由嘅百科全書
跳去: 定向搵嘢
江戶幕府建立者 - 德川家康

江戶幕府,又叫德川幕府(えどばくふ、Tokugawa Shogunate / Tokugawa Bakufu),係日本歷史裏面最後一個幕府,喺江戶城(今東京)所以有呢個名。由德川家康1603年受封征夷大將軍開始,直到1868年明治天皇期間,到將軍德川慶喜大政奉還為止。

喺江戶幕府時期,將軍實際係權力最大嘅人。幕府行封建制,為防諸侯造反,將軍用「朝覲交替」制度,命令諸侯經常回京覲見,除咗令佢哋嘥好多錢喺旅費之上,亦令到佢哋無時間組織叛變。

俸祿有成一萬石以上嘅武士叫做「大名」,相當於中國古代嘅諸侯,大名嘅種類可分三種:

  • 親藩大名
    德川一族嘅親藩大名,用嚟保護京城安全,家康嘅九男、十男、十一男合稱御三家:尾張家、紀州家、水戶家;只要係軍事要地、政治重心和經濟富饒地區,皆安置親藩大名。
  • 譜代大名
    豐臣秀吉死前投降嗰啲,德川封為譜代大名,喺社會上有一定嘅地位,好似本多正信大久保忠鄰。德川家康設計幕府統治必須完全由親藩同譜代大名操控,外樣大名不得參與。
  • 外樣大名
    豐臣秀吉死後,關原之戰結束之後臣服嘅,德川封為外樣大名,好似伊達政宗藤堂高虎;呢啲大名離京畿最遠,最靠近外海,如果呢啲大名要叛變必先經過自己親屬以及家臣嘅領地。

社會階級[編輯]

江戶幕府係封建社會,社會地位由高至低如下:

  • 將軍
  • 諸侯/大名(亦就係地主)
  • 武士
  • 農民
  • 商人

經濟貿易[編輯]

德川家康時,積極同安南、呂宋呢啲地方貿易,同中國、葡萄牙商人競爭,佢確立揸住朱印狀者先准做貿易嘅朱印船制度,據說豐臣秀吉時代就有朱印狀,德川時代加以延續,狀上會附上詳細嘅航行目的地,以及幕府批准嘅準確日期,右上角歙咗將軍嘅紅色官印。日本西南嘅外樣大名同有勢力嘅生意人就喺德川家光下令鎖國之前,航行揸住朱印船來往東南亞臺灣馬尼拉之間。江戶幕府鎖國政策以後,限制朱印船嘅海外貿易,1635年喺尋求國家安全嘅前提之下,停晒朱印船航行,廢埋朱印狀制度。

衰落[編輯]

幕府嘅衰落,除咗因為放棄鎖國政策,畀外國商船來日本經商,影響社會階級秩序 [未記出處或冇根據],亦因為某啲諸侯日漸坐大,成日打仗,私下同外國訂條約,幕府名存實亡。