江灣大橋 (廣州)

  呢篇文講廣州市嘅橋。想搵吉林市嘅橋嘅話，請睇江灣大橋 (吉林)。

遠望江灣橋。右手邊係河北。最高嗰棟樓係江灣大酒店。

江灣大橋（粵拼：gong1 waan1 daai6 kiu4）係廣東廣州一條橋，1994年11月喐手起，1997年12月28號通車。呢條橋橫跨珠江兩岸，連接越秀區同海珠區。

設計

大橋全長910米，闊28米，雙向六車道。兩邊嘅人行道各2.5米闊，車行路闊23米。橋底通航高度8.7米。

交通

北邊連接越秀區嘅東濠涌高架橋同東華南路。南邊連接海珠區嘅江灣路，並有東西兩條引橋連接濱江路同紡織路。呢條橋係內環路其中一條跨江大橋。

拆引橋

2010年5月16號凌晨零時起，江灣橋南邊嘅東引橋（通往東沙街）封閉，準備拆除。條引橋喺孫中山大元帥府紀念館同珠江之間，拆咗之後原地整成廣場，等大元帥府望到江。