江蘇教育電視台
| ||||
|---|---|---|---|---|
| 邊位屬下 | 江蘇省教育廳 | |||
| 開播 | 1996年12月20號 | |||
| 停播 | 2012年11月29號 | |||
| 廣播語言 | 普通話 | |||
| 口號 | 立足大教育 突出青少年 服務全社會 | |||
| 總部位置 |  中國江蘇南京鼓樓區江東北路299號 | |||
史[編輯]
1996年12月20號，江蘇地區為咗振興科教興省嘅重大任務及承載文明社會嘅使命，江蘇省教育廳先至開播咗同江蘇廣電唔同隸屬嘅教育電視台[1][2]。頻道開播期間反映咗好多關於江蘇地區教育界啲嘢。2001年取消有線電視時成立咗江蘇廣播電視總台，該台變成由江蘇省廣電管理[3][4]，但台名保留咗江蘇教育電視台嘅行政隸屬關係[5]。
2012年11月24號20:15，電視台播緊綜藝節目《棒棒棒》時，請咗干露露同佢阿媽、妹妹三位觀音兵做節目表演。到咗觀眾互動問答環節時，干露露佢哋三位當場發爛渣，一齊用粗口嚟叼爆觀眾同鬧媒體傻閪，加上爆出撒流氓啲事重一直未停過。短片喺第二日擺上網後，好多媒體睇佢唔過眼，甚至對干露露神憎鬼厭[6]。由於干露露令好多媒體同電視觀眾犯眾憎，所以2012年11月29號，國家廣電總局（今日嘅國家新聞出版廣播電影電視總局）臨時開會介入呢單嘢。新聞發言人明確話，由於電視台嚴重違反《廣播電視管理條例》，加上頻道未經批准而亂改定位，整埋嗮啲亂七八糟嘅低俗娛樂節目[7]，所以勒令佢停播電視台嘅節目。
從2012年11月30號凌晨開始，頻道畫面變成藍底帶「接上級通知，本頻道暫停播出，敬請諒解。」嘅字樣，從而本台正式消失。1個月後，頻道俾江蘇廣播電視台接手，變成江蘇電視台屬下嘅一個頻道[8]。
睇埋[編輯]
註[編輯]
- ↑ 吴锋 (2013). 〈中国电视节目监管的现实困境及突围路径——基于江苏教育电视台"停播划转"个案的反思〉. 《河南大学学报(社会科学版)》 (06). doi:10.15991/j.cnki.411028.2013.06.015.
- ↑ 黄海光 (1997). 《江苏教育年鉴》. 南京师范大学出版社.
- ↑ 〈江苏广播电视总台今起运作 新南京电视台同时成立〉. 《扬子晚报》. 2001年6月28日.
- ↑ 江南时报 (2001年7月28日). 〈荧屏视点〉. 人民网. 原著喺2016年3月4日歸檔. 喺2015-04-15搵到.
- ↑ 金世斌 (2002). 《江苏教育年鉴》. 江苏教育出版社.
- ↑ 〈干露露母女节目低俗 江苏教育台被停播整顿〉. 《和讯视频-和讯网》. 原著喺2016-03-04歸檔. 喺2016-10-01搵到.
- ↑ 〈江苏教育台因干露露停播整顿 "棒棒棒"相关被屏蔽〉. 《人民网》. 原著喺2016年3月4號歸檔. 喺2016年10月1號搵到.
- ↑ 〈频道简介〉. 原著喺2014年7月11號歸檔. 喺2016年10月1號搵到.