汪學寧工程師，BBS，JP（英文：Ir Wong Hok-ning）係香港前公務員，1986年加入土木工程署任職土力工程師，2013年升為土力工程處處長，2016年年底退休。任內主力處理冧山泥問題，又積極發展岩洞，推動包括沙田污水處理廠搬去沙田女婆山同屯門藍地石礦場岩洞嘅發展等。
2018年沙田至中環綫（沙中綫）紅磡站月台工程發生擅自改圖則醜聞，政府喺8月初揾佢做資深工程管理人員顧問團團員，「空降」港鐵公司加強管理沙中綫項目。
