泛聯盟

專業會議（Professional Forum）係香港立法會裏面一個由幾個獨立議員組成嘅一股政治力量，佢哋響1996年開始合作，當前畀人叫做早餐派（因為佢哋嘅議員都通常響食早餐時討論政事而得名）。2004年第三屆立法會成立後，正式改名叫泛聯盟（The Alliance）。2008年第四屆立法會成立後，泛聯盟改組兼改叫專業會議。

歷史

1996年，李家祥、何鍾泰等獨立議員相約組成一個政治組合，因為佢哋逢禮拜二朝早相約開早餐會議，當時畀外界冠名「早餐派」。

2004年，早餐派改組，成員包括陳智思、呂明華、石禮謙、何鍾泰，連同首次晉身立法會嘅劉秀成決定重組組織，重改叫「泛聯盟」，務求掃除早餐派以往嘅「保皇」形象，以及爭取響立法會取得「關鍵少數」嘅作用。泛聯盟秘書長係石禮謙。

2008年，泛聯盟改名做專業會議。

定位

專業會議響立法會唔係一個政黨，成員都係無黨派背景。成員何鍾泰接受《大公報》訪問時話，佢哋只係某幾位議員響政見上嘅一個組合，而對各議員嘅投票意向都無約束力。

成員

• 石禮謙
• 何鍾泰
• 劉秀成
• 梁美芬

前成員

• 李家祥
• 陳智思
• 呂明華
• 勞永樂