民主黨 (香港)

民主黨係香港嘅一個政黨，由香港民主同盟同匯點合併而成，喺1994年 10月2號正式成立。民主黨而家嘅主席係劉慧卿。至2006年 12月7號，民主黨有613個普通會員，同18個附屬會員。

政治信念 [編輯]

香港係中國唔分割得嘅一部分，支持香港回歸中國。
回歸後實行一國兩制、高度自治同港人民主治港。
關心中國，作為中國人民嘅一分子，香港人有權利同責任去參與同評議國家事務。
對中國政府任何涉及或影響香港嘅政策，反映港人意見，爭取港人嘅利益得到合理嘅照顧。
民主係實現高度自治嘅必要條件，係殖民地統治結束後理所當然嘅發展。
民主、自由、人權及法治係現代社會進步同繁榮嘅基石。必須加速民主政制發展，並同時鞏固現有保障自由、人權同法治嘅制度，及進一步改革不足之處。
維持一個公平競爭同自由運作嘅市場體系，就需要有：適當嘅監管、合理同穩定嘅稅制、健全嘅法制同廉潔嘅政府。
經濟發展有賴投資者、勞工、專業人士、政府同社會每一分子共同努力。創造財富係社會發展嘅前提，而社會每一分子能夠合理分享發展成果，先至係創造財富嘅目的。
為促進香港穩定繁榮、維護社會公義及消除任何岐視，香港需要建立一套健全嘅教育、醫療、房屋、勞工、社會福利同社會保障制度，更要促進個人平等嘅機會以發展個人潛能及社會參與。
為社會嘅長遠發展及保障下一代生活質素，致力保育環境，使到資源得延續，生生不息^[1]。