單仲偕

單仲偕
出生日	1960年6月15號（63歲）
出生地	香港
國籍	中華人民共和國
母校	香港大學、香港中文大學、Sheng Kung Hui Lam Woo Memorial Secondary School
職業	政治人
政黨	民主黨
	[改維基數據]
	睇; 傾; 改;

單仲偕，SBS，JP（粵拼：sin6 zung6 gaai1，SIN Chung-kai，1960年 6月15號—）係香港立法會資訊科技界功能界別同香港島選區前任議員；民主黨黨員同司庫，葵青區議會前任主席同議員（華麗選區）。外號IT偕；政見上屬於泛民主派。

屋企[編輯]

單仲偕祖籍廣東東莞，喺香港出世。

單仲偕喺新界葵涌嘅徙置區葵涌邨（嗰時叫葵涌新區）大，小學時喺區內聖公會主恩小學讀書，中學時入咗區內名校聖公會林護紀念中學，大學時喺香港大學主修植物學系，副修計算機學系，之後喺香港中文大學工商管理研究院完成碩士課程。

事業[編輯]

佢曾經係匯豐銀行資訊科技部副經理。

1985年至2003年，單仲偕一直擔任葵青區議員（當年佢同梁廣昌、李永達、梁耀忠、周奕希、李志輝、黃耀聰並稱「葵青七子」），而1994年至1999年期間，佢更加係葵青區議會主席。1995年，單循「新界南」選區晉身立法局。1997年，中央政府為香港另組臨時立法會，佢同其他民主派議員被迫「落車」。1998年及2000年，單仲偕改以資訊科技界功能組別，成功當選立法會議員。2003年，單仲偕放棄爭取連任葵青區議員，重將議席讓畀之前喺立法會選舉落選嘅李永達。2004年，單成功連任立法會資訊科技界議員。2012年，透過香港島選區嘅地區直選重返立法會，四年後（2016年）交棒畀許智峯。

北京一直睇單仲偕做溫和嘅民主派，所以佢可以自由去中國大陸開行會，而唔似其他民主派議員咁回鄉證被沒收或唔畀入境。

2019年，單仲偕捲土重來，參選第6屆香港區議會選舉嘅葵青區華麗（華景山莊、麗瑤邨）選區，結果順利擊敗前黨友黃耀聰（經民聯成員），重返區議會，而且重做埋葵青區議會主席。

2021年5月17號，單仲偕承認一項組織未經批准集結罪（參與香港修例風波期間嘅沒有國慶只有國殤示威），喺5月28號被判坐花廳14個月，緩刑兩年，由於佢被判坐監超過3個月，因此佢同時冇咗區議員同埋區議會主席資格。而佢留低嘅葵青區議會主席一職，就先後由梁錦威、盧婉婷繼承。

勳銜[編輯]

太平紳士（2004年7月1號委任^[1]，2022年6月10號撤銷^[2]）
銀紫荊星章（2007年7月1號頒授^[3]，2022年6月10號撤除^[4]）

攷[編輯]

↑ 〈2004年第13號號外公告　太平紳士條例 (第510章)〉 (PDF) (新聞稿) (繁體中文). 香港政府憲報. 2004年7月1號.
↑ 〈第2794號公告太平紳士條例 (第510章)--撤銷作為太平紳士的委任〉 (PDF) (新聞稿) (繁體中文). 香港特別行政區政府憲報. 2022年6月10號.
↑ 〈二〇〇七年授勳名單〉 (新聞稿) (繁體中文). 香港政府新聞公報. 2007年7月1號.
↑ 〈第2793號公告撤除勳銜〉 (PDF) (新聞稿) (繁體中文). 香港特別行政區政府憲報. 2022年6月10號.

出面網頁[編輯]

Template:香港特別行政區第二屆立法會議員 Template:香港特別行政區第一屆立法會議員

[1] 〈2004年第13號號外公告　太平紳士條例 (第510章)〉 (PDF) (新聞稿) (繁體中文). 香港政府憲報. 2004年7月1號.

[2] 〈第2794號公告太平紳士條例 (第510章)--撤銷作為太平紳士的委任〉 (PDF) (新聞稿) (繁體中文). 香港特別行政區政府憲報. 2022年6月10號.

[3] 〈二〇〇七年授勳名單〉 (新聞稿) (繁體中文). 香港政府新聞公報. 2007年7月1號.

[4] 〈第2793號公告撤除勳銜〉 (PDF) (新聞稿) (繁體中文). 香港特別行政區政府憲報. 2022年6月10號.

[1]

[2]

[3]

[4]