12月2號

12月2號係公曆年嘅第336日（閏年第337日），離年尾重有29日。

呢幾年嘅今日

大件事 [編輯]

1409年：萊比錫大學成立。係歐洲最古老大學之一。
1804年：拿破崙喺巴黎聖母院自封法蘭西皇帝。
1901年：美國人吉列幫佢發明，換得刀片嘅鬚刨，申請專利。
1908年：大清皇帝溥儀即位，當時三歲。
1927年：美國福特公司繼出咗 Model T 19 年之後，推出新款嘅 Ford Model A。
1929年：中國古生物學家裴文中喺北京西南面嘅周口店，發現第一件舊石器時代早期嘅猿人頭蓋骨化石。之係稱之為「北京猿人」。
1943年：美國成立實驗室研製原子彈。
1975年：老撾人民軍推翻老撾王國，成立老撾人民民主共和國。
1992年：香港响一日之內發生兩宗警匪火併。首先係當日凌晨，警方响荃灣圍剿一批持有重型武器嘅通緝犯，開咗二十幾槍，匪徒投擲三枚手榴彈還擊，經過一輪駁火，五男一女匪徒全部落網。而响同日下晝，一批悍匪持槍同埋手榴彈，打劫九龍城一間金舖，逃走嘅時候同警員槍戰，雙方開咗幾十槍，兩個匪徒中槍喪生。
2001年：美國能源公司安隆（Enron）申請破產保護。
2007年：兩鐵合併，九廣鐵路同地下鐵路網絡合併成為港鐵。