漆咸道

出自維基百科,自由嘅百科全書
跳去: 定向搵嘢
漆咸道與柯士甸道160號交界處嘅一座建築物嘉諾撒聖瑪利書院,佢嘅東面係香港歷史博物館同埋暢運道,有紅綠燈位,交通好繁忙。

漆咸道(英文Chatham Road)係香港九龍嘅一條路,分成漆咸道南同埋漆咸道北兩段。漆咸道最初只有大包米紅磡一段,即係南段,後尾就拉長到去土瓜灣。新加嗰段地理位置比較北,所以叫漆咸道北,而本來嗰段就順理成章改名做漆咸道南。漆咸道頭嗰段喺1888年落成,當時叫做德輔道,1890年改名漆咸道。德輔道呢個名就畀咗香港島北部當時新起好嘅德輔道,用到而家。

漆咸道南尖沙咀梳士巴利道新世界中心開始,去到紅磡康莊道同漆咸道交界。一般嚟講香港人將漆咸道南當做尖沙咀同埋尖沙咀東嘅分水嶺。香港理工大學香港科學館香港歷史博物館槍會山都喺條路沿線。

漆咸道北由漆咸道南同康莊道交界行去土瓜灣馬頭圍道,喺嗰度接上東九龍走廊北行。漆咸道北同東九龍走廊都係香港五號幹線嘅成員。

[編輯]

漆咸道來自人名Chatham,讀/ˈtʃatəm/。查實英文化音節係咁分,chat﹣tham。tham之h,係指t要送氣音,讀似氹。之不過舊時譯名師爺,只係按串法估成chat-ham,結果出咗個咸音出來。