瀑布灣

出自維基百科,自由嘅百科全書
跳去: 定向搵嘢

瀑布灣香港海灣,響香港島南區西南,華富邨隔籬,曾經有個大瀑布,起咗薄扶林水塘後就變細咗好多。

[編輯]

大清嘉慶初年《新安縣志》有「新安八景」,其中「鼇洋飛瀑」就好有可能係指瀑布灣嘅瀑布,嗰陣到廣州經商嘅歐洲船好多都會去呢度攞水飲。英國佔領香港島後,截咗瀑布源頭起薄扶林水塘,個瀑布就咁收皮。

香港保衛戰前,英軍響瀑布灣起碉堡,但最後用唔著。1970年代隔籬華富邨入伙後,好多細路鍾意去呢度玩,但有細路浸死咗,所以當局封咗條路唔畀人入。瀑布灣北面舊時有哥爾夫球場,但開條路去數碼港時剷咗。