燒豬

出自維基百科,自由嘅百科全書
跳去: 定向搵嘢
燒豬
一碟燒肉
燒肉

燒豬廣東傳統嘢食嘅一種。製法同另一廣東燒味燒乳豬基本一樣,唔同嘅係採用已成長嘅,而唔係乳豬來燒烤。燒豬以肋骨部最為肥美可口。平常喺廣東燒味中嘅燒肉,即係燒豬嘅肋骨部份,亦叫做燒腩,作為被再度烹調嘅食材就火腩(例如「冬瓜火腩」)。燒豬嘅其他多骨部份好似頭、肘等可以用作淆湯或煮粥等。

燒肉以皮脆肉嫩為上品。燒豬可以重十到二十公斤,燒肉無論係脂肪同肉都較多而厚。而燒乳豬一般只重五至六公斤,除咗一層脆皮之外,只有好少嘅脂肪同肉,而且骨軟都食得。燒乳豬嘅每斤價格亦比燒肉貴好多;多數售賣燒味嘅店舖平常都會有燒肉賣,但乳豬就唔一定經常供應,通常需要先預訂。

製法[編輯]

燒豬一般嘅製法係將豬劏好後喺肚度切開,放入特製燒烤叉撐開,然後澆上熱水令豬皮收縮。燒烤可以係逐隻放喺火上燒,亦可掛入烤爐烤成。燒烤時要喺豬皮上拮上小窿,等皮下嘅油流出。亦可以用猛火燒烤,其間喺豬皮搽上油,令豬皮成充滿氣泡,酥脆嘅金黃色,即為「麻皮豬」(臺稱脆皮燒肉)。

睇埋[編輯]