王家衞

出自維基百科,自由嘅百科全書
跳去: 定向搵嘢
王家衞

王家衞BBSWong Kar-Wai1958年7月17號—)係香港電影導演,攞過康城影展最佳導演獎。

生平[編輯]

王家衞鄉下喺上海,喺香港理工學院讀過兩年,之後加入咗無綫電視訓練班,做過編劇。佢1982年開始就已經投身電影界,原先係做編劇,贏過香港電影金像獎最佳編劇獎。到咗1988年王家衞執咗佢生平第一部戲《旺角卡門》,從此佢就成為好出名嘅導演。

王家衞拍嘅戲都係一啲浪漫兼且好抽象嘅愛情片。而香港人通常都係鍾意睇動作片同搞笑片,對於呢啲抽象片會好反感。所以王家衞雖然係香港人,香港人對王家衞電影通常冇好感。一啲人重批評佢嘅戲故事太過支離破碎,好唔嚴謹。但係佢響外國評價就好高,成日都攞獎。好似1991年佢拍《阿飛正傳》,就贏咗香港電影金像獎最佳導演獎;1995年亦憑住《重慶森林》贏咗呢個獎。1997年佢重贏埋康城影展最佳導演獎。咁重不特止,王家衞重獲得邀請,擔任2006年康城影展評審團主席,係第一個華人有咁嘅待遇。

王家衞啲戲通常出咗名係冇劇本寫定先,要到拍戲嗰日先至會畀演員台詞。但佢亦都好巴閉,好擅長發揮演員嘅演戲能力。佢成日都起用張國榮梁朝偉張曼玉。而張曼玉重話佢係跟咗王家衞先至識得演戲咁話。

作品[編輯]

[編輯]