張曼玉

出自維基百科,自由嘅百科全書
跳去: 定向搵嘢
張曼玉

張曼玉Maggie Cheung1964年9月20號—)係香港攞最多獎嘅電影演員之一,攞獎數目破晒紀錄。

生平[編輯]

張曼玉鄉下響上海,喺香港出世,細個響英國讀書。返到香港就參加咗香港小姐選舉,之後加入無綫電視。佢早期係拍電視劇居多,比較成功嘅係同梁朝偉合作嘅《新紮師兄》。

佢響1984年就已經參與電影演出。當時佢成日俾人批評冇演技,響電影度純粹係「花瓶」養下眼。好似成龍1985年主演嘅《警察故事》張曼玉雖然係女主角,但只有幾個少數嘅出場鏡頭。佢都承認過早期演技唔好,重話佢開始識得演戲,係喺1988年跟咗王家衛拍《旺角卡門》嗰陣之後嘅事。之後佢成日都接拍文藝片,最多間唔中接下啲商業片。以商業片嚟講,佢成功嘅一部係《家有囍事》,上畫嗰陣收四千九百萬票房。

張曼玉贏過四屆台灣金馬獎最佳女主角,同埋五屆香港電影金像獎最佳女主角。咁重不特止,歐洲三大影展──康城影展柏林影展威尼斯影展,張曼玉只爭在未做過威尼斯影后。

佢嘅戲通常都係王家衛啲戲,所以攞獎先至咁多。有人當正張曼玉係王家衛嘅專用女主角。王家衛同張曼玉合作過《2046》(2004年)、《花樣年華》(2000年)、《東邪西毒》(1994年)、《阿飛正傳》(1991年)、《旺角卡門》(1988)。

[編輯]

  • 台灣金馬獎最佳女主角:1989,1991,1997,2000
  • 香港電影金像獎最佳女主角:1990,1993,1997,1998,2001
  • 法國康城電影節最佳女主角:2004
  • 柏林國際電影節最佳女主角:1992


前任:
鄺美雲
香港小姐競選亞軍
1983年
繼任:
馬倩衡