筷子

出自維基百科,自由嘅百科全書
跳去: 定向搵嘢
短嘅筷子

筷子Chopsticks),或者淨係叫,係種食嘢嘅工具。一對筷子共有兩支,可用來嚟夾嘢食或者耙。亦有啲人鍾意用筷子來嘢食。

喺古代嘅中國,筷子原本叫做,因為廣東話箸同同音,即係停響度咁解,唔係咁吉利。所以改口叫,即係停住嘅相反,後嚟直頭用字嚟做代表。

筷子係東亞四國:嘅主要食具泰國都有用,不過淨係用來飲同食

揸法[編輯]

筷子嘅標準揸法係:上支用姆、食、中三隻手指彎彎咁鉗住,好似揸鉛筆咁;下支用姆指同食指之間嘅虎口夾住,再用無名指承住。夾食物時,下支基本上唔郁,靠鉗住上支嘅三隻手指用力嚟夾實嚿

由於力點嘅食指距離支點嘅姆指好近,而重點嘅嗰嚿嘢就遠好多,所以話筷子係一種嘥力嘅槓桿

禮儀[編輯]

中國人用筷子食飯夾餸係由遠古流傳落嚟嘅,上至皇室貴冑,下至平民百姓都會用,所以日常生活當中對筷子嘅運用有佢非常講究嘅一套。揸法固之然要正宗,以前重指明要用右手嚟揸,而且筷子嘅兩端一定要對齊。喺食飯前,對筷子一定要整齊平排咁放喺飯碗嘅右邊,而食完飯之後就要將對筷子整齊咁擺喺正中。

而用筷子其實重有好多禮儀要遵守,以下就列舉出「用筷子衰十一」嘅十一種禁忌 [未記出處或冇根據]

用筷子衰十一[編輯]

  1. 三長兩短】:意思即係話喺用餐前或者用餐嘅過程入面,將筷子前後唔齊咁放喺度,認為係極之唔吉利。三長兩短代表,有話係因為棺材喺未冚蓋之前,係由側邊底下三塊長板同上下兩塊短木板組成,而死先會入棺材,所以成為用筷禁忌之一。
  2. 仙人指路】:呢種揸法係唔可以接受兼且極度失儀,佢意思係上支剩係用大姆指加中指嚟做力點,而食指就向住外面指。方人叫呢啲做「鬧街」,而食飯時有隻手指伸咗出嚟指指貢,就好似喺度指鬧緊邊個咁,係好冇禮貌嘅做法。另外重有一種仙人指路,就係一路同人講嘢一路用筷子指人,咁做一樣係好冇禮貌同乞人憎,切戒。
  3. 品箸留聲】:呢一種做法亦係好討厭嘅,意思係將筷子嘅一端含喺嘴度,用個嘴來回咁啜,重周不時發出噝噝聲。佢被視為係下等做法,因為喺食飯時用嘴啜筷子,本身就已經係一種冇禮貌嘅行為,再配上核突嘅聲音,更加令人討厭,重會俾人覺得係冇家教。
  4. 擊盞敲盅】:即係喺食飯時用筷子去敲啲碟,呢種行為就好似乞兒搵人要飯咁。喺以前,啲行乞嘅人為咗想吸引人注意,就會一路敲住個碗砵一路依依哦哦咁哀求,希望路過嘅人可以施捨啖飯或者一個幾毫。所以食飯時敲碗碟係被視為下等唔要自尊嘅做法,俾人睇小。
  5. 執箸巡城】:即係手拎住筷子,又唔理有冇人想食,就喺碟餸上面氹氹轉好似巡邏咁款,唔知想喺邊度落筷子夾嘢。呢種典型冇乜修養嘅表現,加上目中無人嘅態度,令人極之反感。
  6. 迷箸刨墳】:意思即係拎住筷子係咁喺碟餸上面摷,想搵到自己嘅獵物,就好似啲盜墓者係咁用嘢刨人哋個山墳咁款;咁做實會畀人鬧:「咁樣翻亂晒點過晒,人哋重使食嘅?」,係比起執箸巡城更加冇修養、更乞人憎嘅行為。
  7. 飛象過河】:即係夾嘢時,明明對住自己嘅一邊碟都有,但就係要喺碟餸嘅最遠嗰邊夾起。咁嘅行為同樣唔要得,會俾人覺得冇家教。
  8. 淚箸遺珠】:有啲餸會有汁料湯水伴埋,夾嘅時候如果唔用個碗或者器冊兜住,啲汁好容易會喺運送嘅過程中滴到周圍都係;尤其係隔住幾碟餸嘅時候,重會將啲滴汁撈咗落去第二啲餸度,極之令人反感,屬於嚴重失禮嘅行為。
  9. 顛倒乾坤】:即係話倒轉筷子嚟用都唔理,照夾可也。呢種做法係會俾人睇低,因為搞到好似餓狼搶食,連面都唔顧,連筷子倒轉都唔理最緊要食咗先咁款。
  10. 定海神針】:意思係話喺食飯嘅時候用一隻筷子去插碟入面嘅食物餸菜,咁做被認為係對同檯食飯嘅人嘅一種侮辱,就好似用中指指人一樣,係極之唔要得嘅行為。
  11. 當眾晉香】:有啲人出於一片好心諗住幫人裝飯,點知順手就將對筷子插落啲飯度遞畀人,呢樣亦都係極之侮辱同埋不敬;因為呢一吓同插嘅款一樣,而只有死人先會食香,所以係絕對唔可以接受嘅做法。

[編輯]