薯仔
出自維基百科，自由嘅百科全書
 |
||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
| 物種分類 | ||||||||||||||||
|
||||||||||||||||
|
|
||||||||||||||||
| Solanum tuberosum L. |
薯仔，又叫馬鈴薯，係一種多年生嘅植物。佢嘅塊莖有好多澱粉質，通常人種佢嘅塊莖來食。薯仔係安第斯山裏面祕魯同玻利維亞嗰度來，安第斯文化嘅一部份。薯仔大約響15世紀同16世紀左右，俾歐洲人帶到世界其他地方。
目錄 |
歷史 [編輯]
薯仔原本產自南美洲，係響15世紀由歐洲人將佢哋帶返歐洲。幾百年嚟薯仔係歐洲人嘅主要糧食。19世紀喺愛爾蘭薯仔田大失收，就餓死咗好多人。
薯仔大概響17世紀先至傳入中國，一般都係響內陸地區培植。薯仔響中國主要係做餸，唔當係主糧。
品種 [編輯]
馬鈴薯喺原產地就有幾百個品種，喺世界各地又不斷咁培養新品種，所以目前全世界就有幾千個品種，有含澱粉比例較高嘅，有適合作為主食嘅，亦都有適合作為蔬菜食用嘅。花色方面有白色、紅色、紫色等等；地下塊莖有圓形、卵形和橢圓形；外皮有紅色、黃色、白色同紫色。
營養 [編輯]
薯仔含有大量嘅碳水化合物，同時重含有蛋白質、礦物質（磷、鈣等等）、維他命等等，可以當做主糧，亦都可以當做蔬菜食用。
出面網頁 [編輯]
- 馬鈴薯 Malingshu—藥用植物圖像數據庫（香港浸會大學中醫藥學院）（繁體中文）（英文）
維基同享有多媒體嘅嘢：
