賴羅比（Nairobi讀naɪˈroʊbɪ），亦譯做奈羅比、奈洛比、奈羅畢、內羅比等，係東非肯雅首都，亦係肯雅最大城市。賴羅比來自馬曬話（Maasai）Enkare Nyirobi，係水涼嘅地方咁解。之不過，多數人會覺得係太陽底下嘅綠城。
賴羅比係1899年先開城，原本係響火車廠兼火車站，響正烏干達去蒙巴薩鐵路嘅中間。不過個城大得好快，1907年已經變做英屬東非個首都。到1963年肯雅獨立，賴羅比亦繼續做首都。
