路環

由安德魯餅店睇路環衛生中心 (右) 同恩尼斯總統前地

路環（葡文：Coloane），又叫路環島（葡文：Ilha de Coloane），喺未填海之前，係澳門一個島。佢喺氹仔個島南面約莫兩千米，不過兩個島之間填晒海，新填地叫路氹城。島嘅西南面係珠海市嘅橫琴島，兩島最窄嘅地方唔夠 300 米。

史

路環其實係路灣。因為廣東話有時將灣讀做環。路灣古書上叫佢做過路灣，葡文名 Coloane 亦印證呢點。路環個名就係咁來。古書上亦有寫做九澳，鹽灶灣等。呢啲都係島上某啲地方嘅代表。

大宋起，個島都係鹽場之地，海邊係產鹽。大明同大清時，路環係歸廣東香山所管。

1864年，萄人乘大清敗於大英之際，佔領路環。

地理

路環島上邊丘陵起伏，地勢係成個澳門最高，冇乜平地。

食

由安德魯餅店望路環衛生中心 (右)同恩尼斯總統前地

澳門葡撻嚟自路環市區安德魯餅店。

發展

路環島因為離澳門市區最遠，發展比較慢，以前係以漁業為主，重有啲船廠。呢幾年喺東北岸起咗發電廠同埋水泥廠同深水港，西北部填海拓地準備發展工業。黑沙同竹灣兩個海灘，分別喺島東南同南。隨住澳門嘅發展，路環嘅發展步伐亦都係加快緊。