鄭君綿

出自維基百科,自由嘅百科全書
跳去: 定向搵嘢

鄭君綿1917年1994年8月2號)係香港一個話劇演員、播音員同電影演員。佢喺香港華仁書院讀書,1935年開始演員生涯,1936年開始拍電影1941年澳門電台做播音。1950年代開始係電視發展,由麗的呼聲開始做藝員,之後入 TVB 主持歡樂今宵[1]1994年8月2號喺佢別墅病死,終年77歲。

簡歷[編輯]

鄭君綿出身富貴家庭,祖籍廣東寶安,老竇係東區遊樂場老闆,又有做運輸公司,鄭君綿鍾意唱歌演話劇,但佢老竇就反對,覺得做戲無出色,之後要佢管理佢間運輸公司,但鄭君綿唔肯,結果俾佢老竇趕咗出街,據聞當時鄭君綿全身只係得一蚊,搞到要瞓街。

後來佢去電影公司考演員,俾一間叫「麗天影業公司」錄用,老闆娘胡麗天重立即畀地方佢住,包晒佢食宿,認真唔話得。

1936年佢參演第一套電影《廣州三日屠城記》,套戲大收旺場。之後佢一路拍咗好多戲。

1950年代鄭君綿入咗麗的呼聲電視台做,當時麗的呼聲需要演一啲話劇,鄭君綿就開始喺麗的呼聲做話劇,同時又拜盧家熾為師學唱粵曲,之後參演過好多粵劇。又錄咗好多粵曲唱片,不過以諧趣粵曲為主,間唔中都會唱啲正經嘢。

扮嘢[編輯]

鄭君綿可謂多才多藝,佢扮貓王皮禮士利扮到維肖維妙,係佢代表作,重俾人叫佢做「東方貓王」[2][3]。另一代表作係扮差利,有「東方差利」外號。

參考[編輯]

  1. 《第九屆香港國際電影節特刊》 1985年市政局出版
  2. 鄭君綿
  3. 鄭 君 綿

睇埋[編輯]

[編輯]