MAGI

出自維基百科,自由嘅百科全書

魔奇少年》(Magi: The Labyrinth of Magic,マギ)係日本漫畫家大高忍日文大高忍(おおたかしのぶ)嘅漫畫作品,而家喺《週刊少年Sunday》連載緊,單行本出到第21本。另外有相關嘅外傳《仙巴歷險記》。

呢套作品亦都有動畫版,第一期係由2012年10月至2013年3月,喺日本播放。香港J2就喺2012年11月29日至2013年5月23日,緊貼日本播放。第二期動畫叫Magi: The Kingdom of Magic,喺2013年至2014年3月播放。香港J2叫《魔奇少年2》,由2014年7月14日起播放。

主要人物[編輯]

主角[編輯]

  • 阿拉丁(Aladdin)

阿里巴巴・沙璐查[編輯]

細細個嗰陣係掘秘道嘅專家。媽媽係貧民窟入面嘅妓女,份人好樂觀。雖然嗰陣時好窮,但係返到屋企就會有媽媽嘅愛護,一直都好幸福。直至媽媽病死後,巴爾弼嘅國王嚟到貧戶窟接佢入皇宮生活。
亞蒙アモン 聲:(日)柴田秀勝/(港)陳永信?
十年前出現嘅第七迷宮主人。係由禮節同埋嚴格做出嚟,掌管火焰嘅神魔。
  • 莫路珍娜(Morgiana)

仙治亞王國[編輯]

仙巴シンドバッド 聲:(日)小野大輔/(港)黃啟昌?
仙治亞王國嘅主人-仙巴王。身高183cm,體重83kg。嗜好係冒險,藉住去未去過嘅地方,同學啲唔識嘅嘢,而得到嗰種興奮感覺;重有自己開創道路而得到嘅自信﹑經驗;同重要同伴生死相交嘅牽絆等等,對佢嚟講冒險可以話係男人嘅浪漫。 
《仙巴歷險記》入面嘅主角。經歷過多次艱辛嘅航海旅程,去過世界上七大海洋冒險,重攻破過七個迷宮,最後建立咗屬於自己嘅國家。七個神魔嘅主人-「七海霸王」。
去緊巴爾弼途中畀賊仔偷晒身上面嘅嘢,唔只啲衫褲,連啲道具都畀人偷埋,不過亦因為咁而遇到阿拉丁同莫路珍娜。
昃琺ジャーファル 聲:(日)櫻井孝宏/(港)張方正?
仙巴嘅部下。
默司護マスルール 聲:(日)細谷佳正/(港)李鎮然?
仙巴嘅部下。同莫路珍娜一樣係樊力仕。
20歲→21歲→22歲。身高195cm,體重105kg,有面癱屬性。嗜好係瞓晏覺

煌帝國[編輯]

  • 誅鐸(Judar)
  • 練紅炎(Ren Kouen)
  • 練紅玉(Ren Kougyoku)
  • 練白龍(Ren Hakuryuu)
練白瑛練白瑛(れん はくえい) 聲:(日)水樹奈奈/(港)余欣沛黃昕瑜?
乃大煌朝開國皇帝之第三皇嗣,皇帝國第一公主。練白龍嘅家姐。
雖然話就話係公主,但喺一啲人眼中只係先帝個女,係當今聖上大發慈悲先有而家嘅地位。
奉命前來同黃牙族商談歸順煌帝國一事。最終兵不血刃令黃牙族歸順。
希望用正確嘅力量同心智令紛亂嘅天下歸一,創造一個無人犧牲嘅太平之世。為以刀槍劍戟征服他人只會種下禍根,招致他日復仇,唯有高瞻之遠,仁厚之德先可以不戰而屈人之兵,令天下歸心。
迷宮攻略者。派蒙睇中嘅王之大器。煌帝國嘅魔奇揀咗練白瑛做王者候補人選。
派蒙パイモン 聲:(日)大原沙耶香/(港)陸惠玲?
第9迷宮嘅魔神。係偉大嘅所羅門王以狂愛同混沌創造出嚟神魔。寄宿於練白瑛嘅羽扇。
喺迷宮入面同練白瑛訂立咗契約,借力量畀練白瑛,推佢上王座。
練白瑛全身魔裝後,能夠使用極大魔法奪命龍捲風轟風旋パイル・アルハザード?
由阿拉丁得到將佢實體化嘅魔力。
李青舜李青舜(り せいしゅん) 聲:(日)瀨戶麻沙美/(港)李震權?
練白瑛嘅部下。淺藍色長髮少年。
同練白瑛嘅細佬-白龍好老友,兩個會一齊進行武術嘅訓練。
派蒙嘅眷屬,持有眷屬器-雙月劍双月剣そうげつけん?
呂齋呂斎(りょさい) 聲:(日)飛田展男/(港)馮錦堂?
武官-千夫長
係陛下特意委派隨行,要佢監視公主嘅一舉一動。
開口埋口以「蠻夷」稱呼黃牙族。要求公主喺離開軍營期間將軍隊指揮權交出。
因為公主一齊出征,令佢失去本來會擢升為將,統領整支部隊,立下汗馬功勞嘅機會。
懷恨在心,暗中策劃擄走族人做奴隸,又放暗箭射傷黃牙族族長,三番兩次從中挑釁,希望能借助他人之手殺害公主,然後以此為由順理成章咁剿滅黃牙族,但最後俾烏哥一掌打柴。

巴爾弼[編輯]

涵密·沙璐查アブマド・サルージャ 聲:(日)宮田幸季/(港)陳成港?
巴爾弼第23代嘅國王,名聲好差。
沁密·沙璐查サブマド・サルージャ 聲:(日)野島裕史/(港)周倚天?
涵密嘅細佬。
立世德·沙璐查ラシッド・サルージャ 聲:(日)土田大/(港)林保全?
巴爾弼第22代嘅國王。涵密、沁密、阿里巴巴嘅老豆。
自知無乜日子淨,而涵密唔係王嘅材料,淨係識聽其他國家嘅說話,所以想將國家交畀阿里巴巴。
當年發生過太多事,太多阻力,最終都無辦法同雅妮絲喺埋一齊,但係其實好愛雅妮絲。

霧之團[編輯]

附近一帶成日都會好大霧,而每當大霧嘅時候依個叫霧之團嘅盜賊團就會出嚟博大霧。原本只係班賊仔,但係兩年前佢哋攻破咗城堡入面嘅寶物庫就開始強大起嚟,成為連國家軍隊都冇符嘅反政府組織。但佢哋淨係會攻擊貴族嘅住所又或者國家嘅貿易船隻,而且重會將搶返嚟嘅金銀珠寶分畀啲窮人,所以好多人當佢哋係英雄-俠盜。連喺政府入面都有耳目。
卡禪カシム 聲:(日)福山润三瓶由布子(童年)/(港)曹啟謙黃麗芳(童年)?
霧之團真正嘅阿頭,18歳,身長172cm。
係阿里巴巴好細個就已經識嘅朋友,關係好到有如家人一樣。雖然成日打架,但係就出乎意料咁夾,日日都周街走,喺啲垃圾堆一齊玩。
爸爸份人衰到貼地,但唔幾時開始,卡禪嘅爸爸無再喺貧民窟出現,之後阿里巴巴嘅媽媽就收留咗卡襌同瑪琳,無耐之後阿里巴巴嘅媽媽就病死咗。自此三個細路好努力賺錢生活落去,初初只係執垃圾,幫人擦鞋,幫外面嚟嘅人帶路,但後嚟卡禪群埋貧民窟入面嘅爛仔,重開始搶嘢。認為自己既然係個衰老豆親生,所以一出世就係個壞人。
三年後遇噃由王宮偷走出貧民窟嘅阿里巴巴,由阿里巴巴口中打聽到出入王宮嘅秘道,之後連同盜賊團其他人進入王宮嘅寶物庫偷走入面嘅金銀珠寶。
持有魔法武器-黒縛霧刀コクバクムトウ。屬於黑暗金屬器之一。
珍楠ザイナブ 聲:(日)渡邊明乃/(港)林芷筠?
霧之團嘅幹部。下唇穿有唇環,18歲,身高165cm。
持有魔法武器-赤幻霧刀セキゲンムトウ。刀身發出紅色嘅霧,吸咗啲霧會畀幻覺控制住自己嘅意識。
哈珊ハッサン 聲:(日)丹澤晃之/(港)鄧志堅?
霧之團嘅幹部。左眼戴有眼罩,19歳,身長188cm。
持有魔法武器-黄侵霧刀オウショウムトウ

貧民窟嘅人[編輯]

雅妮絲アニス 聲:(日)岡田栄美/(港)?
阿里巴巴嘅媽媽,33歲,身高156厘米。
係貧民窟入面嘅妓女,份人好樂觀。收留咗老豆人間蒸發咗嘅卡襌同瑪琳兩兄妹。
原本係王宮嘅宮女嚟,同國王喺王宮入面相遇相愛,後來就生咗阿里巴巴。
瑪琳マリアム 聲:(日)中嶋アキ/(港)?
卡禪嘅妹妹,10歲,身高130cm。
老豆人間蒸發後,畀阿里巴巴嘅媽媽收留咗。

黃牙族[編輯]

婆婆ババ 聲:(日)澤田敏子日文沢田敏子/(港)黃玉娟?
本名係「成加沙曼」。同阿拉丁一樣睇到留風。
係黃牙族第一百五十五代大王嘅孫女,亦係黃牙族族長,深受每個族人嘅愛戴。
曾經諗過同煌帝國開戰,唔向對方投降。
要求族人無論發生乜嘢事都唔可以引起戰爭,要佢咃為生存落去打一場心入面嘅仗。
臨終前以黃牙族族長身份答應公主決定歸順煌帝國,並向公主表明自己嘅意向,唔希望族人再受到其他民族侵擾同傷害。
教識阿拉丁咩係家人。
死後變咗留風終於都知道阿拉丁真正嘅身份係魔奇。

支鄉[編輯]

扎米爾ジャミル 聲:(日)諏訪部順一皆川純子(童年)/(港)麥皓豐許盈(童年)?
領主,21歲。身高177cm。
哥達斯ゴルタス 聲:(日)勝沼紀義日文勝沼紀義/(港)張炳強?
扎米爾嘅奴隸,推測係黃牙族嘅人
替莫路珍娜斬斷鎖鍊後,用傷痕累累嘅身體拖住領主,一同葬身喺迷宮之中。
寶度ブーデル 聲:(日)岡野浩介/(港)蕭徽勇?
紅酒商人,46歲,身高170cm。
扎米爾嘅手下。係個孤寒鬼。
明明係男人,心口竟然好好肉哋。
伊莉莎伯エリザベス 聲:(日)進藤尚美/(港)吳羨婷?
身高214cm。體型巨大,肌肉發達,可以用手刀將酒樽口切斷。
阿拉丁同阿里巴巴去迷宮攻略前去嗰間夜店入面嘅最強實力派陪酒女朗。

其他人物[編輯]

法添馬ファティマー 聲:(日)置鮎龍太郎/(港)巫哲棋?
奴隸商人,31歲,身高178cm。
妮嘉ナージャ 聲:(日)小幡記子日文小幡記子/(港)陳皓宜?
7歲。身高122cm。
本來同爸爸媽媽一家人一齊住喺巴爾弼,有一日突然俾班恐怖嘅叔叔捉走咗。
發燒發到連條脷都腫埋,本來俾法添馬用嚟餵沙漠土狼,之後莫路珍娜幫佢打開腳鐐,連同其他畀人捉走嘅奴隸一齊放走。

用語[編輯]

神魔・金屬器・迷宮關係[編輯]

金屬器
超越人類智慧,不可思議嘅迷宮道具。
只有由迷宮出返嚟,歷劫而不死嘅勇者先至會得到。
一旦用晒金屬器入面嘅魔力,咁金屬器同受佢眷顧嘅眷屬器就會咩都做唔到。
迷宮迷宮(ダンジョン) Dungeon?
14年前突然喺世界各地出現充滿迷團嘅遺跡群。
攻破咗依啲迷宮嘅人就可以得到巨大嘅財富同埋權力。迷宮裡面乜嘢都有,無論係會飛天嘅布,定抑或係會湧出酒嘅壺,想要金銀珠寶定係不可思議嘅魔法道具都得。不過最犀利嘅係有神魔寄宿喺入面嘅金屬器皿。

魔法關係[編輯]

魔法
魔奇マギ MAGI?
好耐好耐以前,呢個世界連一個國家都未有,每一個人都生活喺水深火熱之中,呢個時候有個年輕人出現,佢重噉講:「人類,去創造國家,你哋一齊集合到王嘅身邊生活啦!只要通過呢座塔嘅試煉,就可以得到成為王嘅力量。」好多人走入去座塔之後一去不返,直到最後終於有個後生仔走返出嚟,呢個人重建立咗一個好大嘅王國,太平盛世亦從此來臨。後嚟啲人就好尊敬嗰位不可思議嘅後生仔,重特別畀咗一個稱呼呢位後生仔,就係「魔奇」。而呢一個故事入面嘅國家,據講就係黃牙族嘅祖先嘅國家-「大黃牙帝國」。
所有人類都需要統治者嚟帶領佢哋,每個民族都有應該成為王嘅人。為咗搵出依啲人,發掘佢哋,再將佢哋加以鍛鍊成為真正嘅王,所羅門派遣咗賢者嚟依個世界,而魔奇就等同於所羅門嘅化身。
一路以嚟王都係由魔法使揀選出嚟。魔奇嘅使命就係挑選王嘅人選。
魔奇受到留風所愛,能夠借助留風嘅力量。
同世上幾億生命共同生存,係負責引導佢哋同創造世界嘅人。
魔奇輸出嘅魔力可以將神魔實體化,重維持一段時間。
留風ルフ Rukh?
係靈魂嘅歸宿。
生存喺呢個世界嘅所有人死咗之後都會返去同一個地方。肉體會返去大地度,而靈魂就會歸於留風,化為無數嘅生命流動。
所有嘅生命都係單獨嘅個體,不過其實佢哋全部都出於同一個源頭,將所有靈魂連繫埋一齊嘅世界血潮就係留風。
魔力就係由留風產生出嚟嘅能量。對普通人嚟講淨係用到身體入面嘅留風,但係魔奇就可以無限制咁使用由自己以外嘅留風所產生出嚟嘅能量。阿拉丁深受留風所愛,成日會得到留風幫助,只要阿拉丁分一啲肚裡面嘅力量畀佢哋,嗰啲光粒就會集合埋一齊,然後借力量畀佢,咁就代表咗佢就係魔奇嘅身分。

地理[編輯]

支鄉チーシャン?
係一個喺西面嘅地方嚟。
由黃牙族生活緊嘅草原行路去要去足兩年左右。
巴爾弼バルバッド?
位於東南面嘅大海洋國家。由靠海港起家嘅城市,同埋幾百個由首都統領嘅大小島嶼組成。
依個國家係北面嘅綠洲都市群,東北嘅小國群,西面嘅珀提比亞,同埋灆帝國自古以嚟嘅海上貿易中心,一直以嚟都好繁榮。
一直都由一個叫沙璐查嘅王族統治。上任國王駕崩之後,依個國家就開始立立亂
暗黑大陸暗黒大陸?
樊力仕嘅故鄉。

民族[編輯]

煌帝國煌帝国(こうていこく)?
以一統西邊嘅灆帝國同西南嘅珀提比亞為己任,有一統天下嘅宏願,聲稱同黃牙族嘅祖先係同心同德,要求對方歸順。
樊力仕ファナリス?
暗黑大陸嘅霸者,最強嘅戰鬥民族。
特徵係一把嘅紅髮,強勁嘅腳力,好似隻野獸咁樣嘅戰鬥方式。
黃牙族黄牙一族?
係以往最驍勇善戰嘅策騎民族。
族人依幾百年嚟都一齊生活喺大漠草原上,無分開過,係一個流住同一血脈嘅大家庭。
初代大王以有如神魔嘅力量建立咗歷史上最大嘅王國-「大黄牙帝國」。可惜近年勢力不復當初,甚至受奴隸狩獵之害。長期遭受外敵侵擾同奴隸狩獵,族人已經心力交瘁﹑身心疲累。

出面網頁[編輯]