一秒拳王
| 一秒拳王 One Second Champion | |
|---|---|
| 資料明細 | |
| 導演 | 趙善恆 |
| 編劇 | 趙善恆、章彥琦、何肇康、李浩田、凌偉駿 |
| 主演 | 周國賢 林明禎 查朗桑提納托古 趙善恆 |
| 製片商 | MM2香港 羚邦娛樂 福斯傳媒 |
| 片長 | 97分鐘 |
| 產地 |  香港 |
| 上畫同發行 | |
| 上畫日期 | 2021年3月11號（香港） |
| 發行商 | 環球影業（香港） |
| 分級 | |
| 香港電影分級 | 第ⅡＢ級 |
《一秒拳王》（One Second Champion），係一套2020年出品，以西洋拳為題材嘅香港電影，由周國賢、查朗桑提納托古，同埋 ToNick主音趙善恆主演，林明禎、盧海鵬、袁富華、張建聲同童星熊倬樂亦有份演出[1]，趙善恆執導同埋創作故事，章彥琦、何肇康、李浩田、凌偉駿合編劇本，原定喺12月3號上映。呢套亦係2020年「香港亞洲電影節」嘅閉幕電影[1][2]。受第四波疫情影響，套戲最後延遲到2021年3月11號正式上映。[3]
劇情簡介
[編輯]成日喺酒吧渾噩嘅周天仁（周國賢 飾），自細就擁有一秒預知嘅能力，經常運用呢個超能力躲避債主，而佢個仔都對佢毫無寄望。有一日，喺街上招募拳擊手嘅葉志信（趙善恆飾），見到天仁嘅敏捷動作，好適合拳擊，於是，阿信決定要拉攏佢加入拳館，訓練佢喺擂台上比賽，同拳王鄭耀祖阿 Joe 對戰。開頭，天仁喺訓練好懶散，但一次意外，一次轉變，令天仁認真咁企喺擂台上，展開一場激烈嘅比賽[1][4]。
角色
[編輯]| 演員 | 角色 | 關係 |
| 周國賢 鄭卓男（童年） |
周天仁 | 擁有一秒嘅預知能力 |
| 趙善恆 胡俊軒（童年） |
葉志信 | 繼承咗佢老豆間拳館，喺嗰度做教練 |
| 查朗桑提納托古 | 鄭耀祖（阿Joe） | 拳王，「秒殺小子」，曾經喺擂臺上打死過人 |
| 林明禎 | 小瑤 | 葉志信嘅堂妹，租咗拳館嘅一半嚟教大笑瑜伽，表面樂觀開朗，但其實有悲慘嘅過去 |
| 熊倬樂 | 周志良 | 周天仁個仔，有弱聽，要戴助聽器 |
| 張建聲 | 宋傲揚 | 拳擊手，曾經連勝22場 |
| 盧海鵬 | 酒吧老闆 | |
| 袁富華 | 祥哥 | 鄭耀祖嘅教練 |
| 黃又南 | 周天仁父親 | |
| 蔡瀚億 | 清道夫 | |
| 岑珈其 | 軍裝警 | |
| 黃溢濠 | 業餘賽拳手 | |
| 周祉君 | 巢立威 | |
| 張松枝 | 拳總委員 | |
| 霍嘉恩 | 80年代醫院護士 | |
| 張紫櫻 | 「六合彩」主持 | |
| 譚杏藍 | 葉小倩 | 80年代電視節目「今日睇多D」主持 |
| 鄭卓恒 | 何守烏 | |
| 黃正宜 | 酒吧闊太 | |
| 趙勁皓 | 地舖拳館教練 | |
| 黎美萱 | 社工 | |
| 霍俊邦 | 葉英毅 | 葉志信嘅爸爸，拳擊教練，創辦英毅拳館 |
| 英健朗 | 電視節目「有病有真相」主持 | |
| 譚凱倫 | ||
| 陳望華 | 財叔 | 拳總主席 |
| 鬼塚 | 拳總榮譽主席 | |
| 辛格·哈提汗·比托 | 表演賽主持 | |
| 甄柏榮 | 表演賽評述 | |
| Ming仔 |
製作過程
[編輯]拍呢套戲嗰陣，趙善恆同周國賢都要日操六個鐘，學點樣做一個拳手，趙善恆形容過程笑中有淚，周國賢就話呢度係呢套戲係佢人生最熱血嘅一套，令佢搵番男子氣概，但佢開鏡前已傷咗髖關節[1][5]，去到拍攝一場壓軸拳賽，對戰查朗桑提納托古嗰陣仲受傷送院聯咗八針[6]。另外，周國賢喺拍攝期間不時喺社交媒體分享自己得分嘅成果，亦令好多朋友同影迷關注[7]。除咗兩個主角之外，張建聲亦都要為咗套戲訓練肌肉，需要四十日內速減廿幾磅[8]。
主題曲
[編輯]【時間的初衷】[9]
評價
[編輯]- 《香港01》喺2020年12月發表評論，形容趙善恆喺《救殭清道夫》之後再次執導，有好大嘅進步，電影嘅結構工整流暢，故事篇幅簡潔，無刻意加入多餘細節，令電影嘅節奏更加緊湊明快。而描寫周天仁等個仔嘅父子之情亦笑中有淚，感動細緻。而周國賢喺呢度係有唔少發揮，查朗桑提納托古亦有驚喜，至於趙善恆亦表現平穩[10]。
- DE TESLA 樂隊成員李林風喺《立場新聞》入面撰文話，希望可以入場再睇多次，形容套電影入面揮出嘅每一拳，其實都係主角對面對著影響真實商業世界嘅吶喊，形容佢哋付出咗咁多，都應該得到尊重[11]。
票房
[編輯]套戲優先場票房487,390港紙；上畫頭一個禮拜（3月11到14號）票房2,536,452港紙，排名第二，只係輸畀迪士尼動畫《靈魂奇遇記》，累積票房3,023,842港紙；第二個禮拜（3月15到21號）票房3,724,464港紙，做到嗰個禮拜票房冠軍，累積票房1630萬港紙。
參考
[編輯]- ↑ 1.0 1.1 1.2 1.3 劉希彤 (2020-10-29)。〈一秒拳王｜周國賢爆肌演拳手爸爸 「開鏡前已傷咗髖關節」〉。《香港01》 (香港中文)。喺2020-12-09搵到。
- ↑ HKAFF. "一秒拳王 - HKAFF - Hong Kong Asian Film Festival". HKAFF (tc). 喺2020-12-09搵到.
{{cite web}}: CS1 maint: unrecognized language (link) - ↑ 《一秒拳王》正式映期確定，《一秒拳王》facebook page，2021年2月23查閱。
- ↑ 〈一秒拳王〉。wmoov.com (香港中文)。喺2020-12-09搵到。
- ↑ 賴家俊 (2020-11-26)。〈【一秒拳王】趙善恆、周國賢日操六個鐘 輸贏外毋忘踏擂台初衷〉。《香港01》 (香港中文)。喺2020-12-09搵到。
- ↑ 〈周國賢拍《一秒拳王》爆缸縫8針 - 晴報 - 娛樂 - 娛樂〉。https (中文)。喺2020-12-09搵到。
{{cite web}}: CS1 maint: url-status (link) - ↑ 林迅景 (2019-09-13)。〈《一秒拳王》爆肌相引藍奕邦尖叫 周國賢精警反問：今年玩咩燈籠〉。《香港01》 (香港中文)。喺2020-12-09搵到。
- ↑ 〈一秒拳王｜張建聲40日極速地獄式減磅 周國賢嗌佩服 (18:45) - 20201130 - SHOWBIZ〉。《明報OL網》 (繁體中文)。喺2020-12-09搵到。
- ↑ 〈周國賢 x ToNick【時間的初衷】《一秒拳王》電影主題曲 歌詞版MV〉。
{{cite web}}: CS1 maint: url-status (link) - ↑ 是日觀影 (2020-12-02)。〈《一秒拳王》影評：周國賢loser逆襲富感染力 1秒抉擇創無窮可能〉。《香港01》 (香港中文)。喺2020-12-09搵到。
- ↑ 〈致：同樣喜歡一秒拳王的你 | 李林風 | 立場新聞〉。《立場新聞 Stand News》。原著喺2021-02-11歸檔。喺2020-12-09搵到。
出面網頁
[編輯]- 一秒拳王嘅facebook頁
- 《一秒拳王》喺香港影庫嘅資料