《一筆OUT消》（英文：The Weakest Link，華語地區有幾個唔同嘅譯法），係一個源自英國嘅電視遊戲節目，世界多處地方都有製作當地版本。節目喺2000年英國廣播公司第二台（BBC Two）首播，其後大受歡迎，獲世界各地唔同嘅電視台買下製作權播映。
遊戲節目入面，參賽者要一個接一個咁連續答啱問題，先可以獲得最高獎金，情況猶如一環扣一環咁。每回合結束後，參賽者會互相投票選出該回合嘅「最弱一環」，呢個參賽者會被主持人驅逐出局。
