三元里人民抗英烈士紀念碑
三元里人民抗英烈士紀念碑，簡稱三元里抗英烈士紀念碑，係中國廣東省廣州市入面嘅一嚿纪念碑，喺1950年10月1號起嘅，而紀念碑就係喺白雲區入面嘅三元里村嗰度。
史[編輯]
喺1840年6月22號，英國向中國發動咗鴉片戰爭。1841年5月29號，英軍嘅打劫集團喺三元里度搶嘢，重侮辱埋菜農韋紹光嘅老婆。而韋紹光等人就激到眼火爆，想同佢哋死過，最後礡死咗幾個英兵。之後三元里附近嘅103個鄉嘅人民都唔執輸喇，佢就搞咗個反侵略武裝部隊嚟挑戰英軍。喺1841年5月30號朝早，幾千位男人就出嗮去英軍霸咗嘅四方砲台度，重引咗部分敵人到牛欄崗度，過咗一日，終於都礡死咗200個英兵，而三元里人民就贏嗮。
為咗紀念呢單鴉片戰爭嘅勝利，所以喺1950年10月1號嘅三元里村度起咗個紀念碑嚟紀念，而嚿碑上面寫住「一八四一年廣州人民在三元里反抗英帝國主義侵略鬥爭犧牲的烈士們永垂不朽！」（粵語翻譯：1841年廣州人民喺三元里同英國佬軍鬥，死咗嘅人永垂不朽！）呢挓字。喺1958年11月份，三元里古廟遺址度就起咗間三元里人民抗英鬥爭史料陳列館，入面重有嚿三元里人民抗英烈士紀念碑。
三元里平英團勝利歌[編輯]
一聲炮響
二律埋城
三元里頂住
四方炮臺打爛
伍紫垣頂上
六百萬講和
七星旗揚揚
八面埋伏
九九打下
十足勝利