三叉

三叉

三叉，係一樣長柄武器，棍前有叉，叉有三枝尖刺，又叫三叉戟。用來拮中對方，等佢受傷。叉頭通常用五金做，尤其係鐵。

神話

响希臘神話入便，三叉戟係海神波塞冬嘅象徵物同埋武器，相傳佢用三叉戟劈山，將山石變做島嶼；羅馬神話入便嘅涅普頓亦係以三叉戟做象徵。但响天主教入便，三叉戟係魔鬼撒旦嘅武器（二短一長嘅形體有男人生殖器官嘅象徵），呢啲轉變同對立畀一啲學者認為，係新宗教代替舊宗教時期嘅證據。

响印度神話入便嘅三主神：濕婆嘅象徵物同埋武器，亦係三叉戟。